|
ديوان الشاعر علي عبيد الحصني
البارحه يوم الهموم أزعجتني=بدعت لي قافن يزيل العماسي بديت به يوم الهجوس اهجدتني= يومن عيني ماهواها النعاسي عسفتها ليننها طاوعتني = وعنزتها فوق الجبال الرواسي بعض المواقف بكلام اجبرتني= وفي انا ليين وفي حا ل قاسي واسباب مابي كلمتن موجعتني = أبا تنا ساها ولاني بناسي لهي من أقصاءالناس ماحركتني= لكنها جتني من اعز ناسي ناسن ليا قلت الصحيح اشمتتني = وانا بقول الصدق وبليس خاسي الصدق امانه بين راسي ومتني= وانا بقول الصدق مرفوع راسي لوابا اقدرناس ماقدرتني=أصبحة بياع الذهب بنحاسي تجاربي لوهي قليله كفتني =ومن الثياب البس ثيابن مقاسي والصبرلامن البلاوي بلاتني= اخير لي من شيل درعي وطاسي نفسي على الادنين ماشجعتني =ولاني مجرب بقرب الناس باسي والحصن ماهو هم كان اصقلتني= اخير من وطيت اسير الركاسي لوكثرت الاحداث ماغيرتني= تعاملي معها تعامل سياسي يومنها من كل يمه غزتني= حاولت اكافحها ولااعلنت ياسي |
يامدير المدرسه وقت الدراسه=الحقيقه رحت عنه وراح عني الهدف ماهو بعلم ولاسياسه= افتح اذنك و الصحيح يجيك مني خذ كلام الطالب الي شاب راسه = ما درس في مدرسة هن بن هني يا مدير الوقت فارسني افراسه =والتجارب قبل درسك درسني مادرسنا ها على كرسي وماسه =سامعين الدرس من راس المسني ونت من ساسك وعز البيت ساسه=وفيك ياراع الوفا ما خاب ضني وكانها صارت مثل راع العساسه=كل شين راح مني ما غبني يو م غبنا عنك مقصدنا الوناسه= مع رجالن كيفهم هيلان وبني ان قبلت العذر فصلنا لباسه = ون رفضت العذر ماني بمتعني وكان راسك ماتنازل عن يباسه= دوك كتبك كلها لاتمتحني |
الله اكبر كل ماخايلت براق السحايب= فيه لديت العيون وقلت ذا مهو بعيدي أتحرا لي سنة وأبحث عن كبار السبايب=طالت الدعوى وانا وياك يا القاف العنيدي انعسف لي بالرضا والطيب ولا بالغصايب= ما تعوّدنا نمد الناس بالمد الزهيدي كل قولٍ غير قول الله به مخطي وصايب= الصواب بقول ربي والخطا بقول العبيدي لي سنه لاجيت اقول القاف قلت القاف شايب=مْتحيربالمعاني وبطواريق القصيدي لا يدنن الهجوس ولايهبن الهبايب=وصرت مثل مدور الرقروق من شان الزبيدي عن طريق الشعر واهل الشعر ريحت الركايب=لين شوّقني لسوق القاف فوزان الرشيدي شاعرٍ شعره يعدّي به على روس الجذايب=وكل عارف من كلام اهل المعرفة يستفيدي اشهد انه شاعرٍ لا من نوى ماهو بهايب=يجمع الحكمة وفتل البيت والراي السديدي شعره يذكرني اللى روسهم تحت النصايب=مرشد البذال والثاني سليمان الهويدي وغيرهم ياكثر شعارٍ يسدّون النوايب=كل وقتٍ له رجال وكل ضدٍ له ضديدي والمعرفة موهبة والشعر من ضمن الوهايب=شاعرٍ شوفه قريب وشاعرٍ شوفه بعيدي يم راعي مرحبا ودي سلامي يانجايب=واحدٍ ماهوبراعي مرحبا ما هو مفيدي يارشيدي ياسلايل من يضدون الحرايب=فعلهم ماهو جديد وطيبهم ماهو جديدي يوم جهزنا المطية بالشداد و بالجنايب=ودّنا نسمع كلامٍ مايذوب مع الجليدي ويش رايك في مريضٍ حي وضلوعه حطايب=والسبب ناس يخلطون الجديد مع الرديدي واسلم وسلّم على ر بعٍ يحلّون النشا يب=والهدف من معرفة شرواك ابى ازوّد رصيدي |
ياناشدً وشلون معنى الصداقه=أعطيك عن معنى الصداقه تفاصيل أعطيك عن معنى الصداقه بطاقه=بطاقه فيها رموز وتحاليل صداقه تبنى بعرف ولباقه=وصداقتن تبنى لكسب المحاصيل وترا الصداقه شد حبل العلاقه=وتبادل المعروف بين الرجاجيل ولالي علي بعض الصداقات فاقه=حيث ان طبع الحر مايقبل الميل واللي تلزم بالسلوك الدقاقه=ماميز المظهار قبل المداخيل ما كل هرشن له على الحمل طاقه=ولا كل من توفيه يوفى لك اكيل وانا احمد لله يوم مالي علاقه= مع واحد شفته يشن المصاويل بالهرج يهدي لك من الورد باقه=يحط لك منزل مع الجدي وسهيل لكن ياراع العلوم السباقه=بالتجربه عشنا واخذنا دواليل كانك مع الاجواد عايش علاقه=الهون مانرضاه يابارد الحيل وان كان مشروهك على در ناقه=شرهتنا وصلت لشرب الفناجيل ياللي تعلم باليتيم الحلاقه=عليك تكبيره وصيحه وتهليل ياسارق علوم النشاما اسراقه=أمنالتويبع ماحديذكرالسيل لاطول الله عمر ذيب الرفاقه=لمتابع الغرات يشري درابيل تلقاه في وقت المهمات عاقه=لاينطبخ لاينشوي مثل ماقيل هذار له في كل جمع انطلاقه=صاحي وكل الناس عنده مهابيل وأن شاف حمل حط فوقه وساقه=ردي حظ اشعاره القال والقيل الله يوفق كل طيب فراقه=آمين يارب دمر صاحب الفيل ياللي تعشقون المعالي اعشاقه=الواجب انه يعتبر من اسرائيل هذا منافق لو لزم عهد باقه=ماينقص رجال المواجيب لازيل اعطيت عن معنى الصداقه بطاقه=واعطيت عن راع النقيلي تفاصيل |
سريا قلم يوم الدواعي دعتلك=وأكتب على بيض القراطيس مالاق في ليلتن قمراء على الكيف جتلك=والشعر قفيته بعدخاطري راق ياقلب لاون اليالي صفتلك=من عادة الدنيا بها جمع وفراق لوشفتها بعض الليال اضحكتلك=لاتامن الغاره تراء خيولها اسباق ويا الشعرفني فيك نقضك وفتلك=لا ونها مختلفتن فيك الاذواق احدن يقودك قود وحدن يختلك=وحدن يسوقك مع طيقك وتنساق لقيت لي ناسن تحاول بقتلك=ولقيتلي ناسن تبيعك بلا سواق وجدك على الجيالان فنت قدمتلك=مشاعرن تنساق من صاف الاعماق والله يجيرك من صدوفن جرتلك=ولي مكذبني يفتش بلا الاوراق كفن تصافح لك وكف اصفقتلك=ما بين امير وبين راعي وملحاق ياكثر ناسن يا القصيد انتمتلك=ونقص القصيد يكمله زين الاخلاق |
يومن بحر المعاني هاجت أمواجه = نويت أعبر وأسوق القاف بسلوبي ونخيت من يجدي المحتاج لحتاجه =وأبعد عن اللي دروبه ماهي دروبي يا الجيب روح ترى معاد لي حاجه =في واحدن ما عرف قدري وماجوبي روح عن اللي ماغير يعقد أحجاجه = كنه ليا قال كيف الحال مغصوبي الي يبدل شداد الحر بحداجه =قصرت عن منزله رجلي ومندوبي ماني بحاجة بخيلن طافي اسراجه = ياكثر ناسن ليا مريت هلوبي الطيب ماكل من هازه لبس تاجه =حصه بحر دونها عشرين شاذوبي الطيب يبغى كلام وفعل ومواجه = كلام صامل ماهي بمزوح وعجوبي ماحازه الي صدا قلبه مثل صاجه = يضحك معي وأن مشيت يحش عرقوبي والي يحذف العرب ويديه منعاجه =ماهو بصايب و هوبيديه مصيوبي دايم كثير الكلام أقليل انتاجه= ومن لايهاب العرب ماهو بمهيوبي لاصار هراج يتبع ناس هراجه = أن كان ما باح سري ماقضى نوبي افراق الانذال طب القلب وعلاجه = وعندي ثقه ما عليه لو تناجوبي يقولها شاعرن معروف منهاجه= مثايله ماطرقها كل ماهوبي قدام يدخل يميز كيف مخراجه= والكامل الله وكلن فيه عذروبي |
البارحه يوم انتحى الليل بهرت= صفر الدلال منشطات المضاريم واقعدت راسي من عماسه وقررت = اغوص غبات البحور الملاطيم وان كان غاب اسهيل للجدي سامرت = والبعد ما يقدر يرد المقا سيم فتحت لي بابين ولباب سكرت = وعبر الثلاث محكم القول تحكيم وانا ليامني على القاف فسرت = ابني حجر مارمم البيت ترميم مااقول انا الكامل لوني تفاخرت = ياكثر ناسن للمعاني صواريم والي دفعني يوم بالراس فكرت = اشوف فيه البيض كثر المجاهيم هذا وانا من شوفهن ما تكدرت = وش عاد لو قالو ترا الشيب تحطيم مالي مفرٍ عنك يا الشيب لو طرت = الزرع له منحاه والعمر له تيم أنذرتني يا الشيب ولغيري انذرت = والله يوفقني لملة ابراهيم مدام من كثر التجارب تخيرت = معلومةٍ منها تزيد المفاهيم مع اكثر اصحابي لا مني تحيرت= زلت الشكوك بفعل ما قاله دليم |
ياعبيد بعض الحلم يصبح مغره= قلته بعد صدق على السمع شوفي ما كل نون له مع الارض جره= ولاكل من واعد بميعاد يوفي شفت السحا يب ورتجيت المسره= قلت المطر جاني وزانت ضروفي سحابتن غطت نجوم المجره= براقها يشبه لميع السيوفي خايلتها بلعين مره ومره = قدامها لاوخسارة وقوفي هلت علي العصر في راس حره= لكن ماها ما يبل الكفوفي انا حسبن العلم واصل مقره = وأثر النقط صارت بجنب الحروفي غصت البحر من بعد ما دجت بره= وحصلت به دره عديمة وصوفي درة بحر ماهي مثل كل دره = من دونها تقصر يدين الضعوفي هذي و أنا ماني بقصاص جره = لكن ابا استافي مدام انًي أوفي |
كان الغناه بترك بعض المواجيب= ما باالغناه اللي بها ترك ما جؤب لوعشت ما بين العرب عيشة الذيب= القل ما هو للريا جيل عذرؤب واللي كفل رزق البشر والدباديب = يرزقك يا راسن على العز معصؤب للواجبه نبدا بروس المراقيب= نصبر علي الكايد ولا نترك النؤب يوم الردي بالطيب ماله مقا ضيب= للواجبه كنه علي الوجه مسحؤب الطيب مايصعب على راعي الطيب= يصعب على اللي عن هل الطيب محجؤب هذا كلام مصارعين التجاريب= والعلم من عند أهل العلم منسؤب |
ياقصيدي ثبت القلب من بين الضلوع=قام يصفق مثل دلواً تصافق كل جال ما أحسن الدله ليا قدمت معها قدوع=وما أحسن القصه ليا جابها سين السوال يامنشد عن علوم المعارف والربوع=كلهم في خير والوصل عبر الاتصال لاتسجلها قطاعه ترى ماني قطوع=شفت وقتن فيه قول الحقيقه مايقال والسبايب كلها من قليلين السنوع=من تمايل عن طريقه يقول الوقت مال واخسارة واحداً لبس الخبل الدروع=والخبل ماهو بمكسب ولاهو راس مال اقمحي ياللي بجنبه تهلين الدموع=مثل منهو يرجي السيل من روس السيال لاتخايل سحاب ولاترسل فزوع=مانت داري لو بدارك عليك السيل سال انت ماقصرت ترمي على ركبه وكوع=مار عينك ماتشوف الطويل من الجبال الرجال افكارها تكشف الشخص الخدوع=لا تصوم لك عرب وأنت ماشفت الهلال قالها اللي لامشى مايفكر بالرجوع=وأن ورد مايارد الا على العد الزلال شام عن عدن عليه الهمل من كل نوع=وقفتن بالشمس في عز أخير من الظلال والمسى بالفيضه اللي تساقيهاالرجوع=خير من كل المنازع ومن ومن كل الجدال اتمشى وادرق الصيد من سد القشوع=واذكر الماضي واسج القدم من فوق السهال أحسن الحزات عندي مسى يوم الربوع=خص لاشاهدت في يمة القبله خيال استرح يالجيب لينه يجي تال السبوع=مالك الامن يعرضك نسناس الشمال لو يطولن المسافات نقطعهاقطوع=سايقك يمشي طريقه وهومرتاح بال ماتضايق خاطره بالنزول وبالطلوع=مع عزاز الارض ولاعلى الطعس الهيال يوم يرفع مقدمه كنه الحرالبتوع=يرفع الجنحان لاشاف جول الصيد جال ياخوي اهل المظامي بعيدين الرموع=اشهد انك فايزأ بالشجاعه والجمال يشتريك اللي يزيد احترامه بالفروع=مايحصل قيمتك واحدآ مستور حال |
مشاعرالشعار صالت وجالت= تجولت بين الخطا والصوابي أحيان من ماها الثويرات سالت= وأحيان ماها مايبل الثيابي وأنا هّجوسي يوم حطة وشالت =أخفيت عن بعض الشواعير مابي يوم الهجوس الي توارد توالت=الصبر أعده من خيار الزهابي يوم المعاني في نظرهم تحالت=مافرقو بين البحر و السرابي نبا نقصرها ولايقال طالت=ماهو خطا منهم خطاي ان تخابي أهل النوايــا الي عن الحق مالت=من زاد ماله يحسبونه مرابي يوم الثقيله بالخفيفات مالت=تشاور والحكم صدر غيابي واليوم لاون الروابع توالت=أصبر على مابي وأريّح أركابي |
كتبت سبع أبيات ضمن الجدايد = تفضلو ياللي لالشعار تقرون ياهل الكلام منقدين القصايد =ياليتكم عن بعض الارياء تجوزون تحت السقيفه كبروا هالوسايد = واليا أذن المذن عساكم تقومون دام البطون أشباع والامن سايد= يا ليتكم لاللي عطاكم تحمدون تراء شروط النشر عند الجرايد= الله يعز اللي عليها يحرصون وكان الهدف تفريق شمل البدايد= يمكنكم لاللي تبونه تصيدون وانا ما قول اني على الناس زايد= من يدعي بزود لنقص مرهون |
قالوا تقول وقلت أنا اقول من جد=وأرتاح يوم أقول قولً له أثبوت ما لي هدف غير الكلام الموكد=ورزقي على اللي بالبحر يرزق الحوت ماني كما اللي بطريق يتهبد= ولاكما اللي كلمته شاتها شوت لصار ما لالهرج مصدر ومارد= منه الغليبه تعتبر غلب بالوت أعرف من أعادي وأعرف من أود=والصوت اناديبه لمن يسمع الصوت أنادي اللي يوم أناديه ماصد =ما نادي المقفي ولوماجد القوت ماهو حضيض اللي علي الناس ينحد=نصن منه ممدوح ونص مشموت وأصحابي اللي بالرخاء ما لهم عد =ياليت فيهم واحدن مثل مبخوت عليه جزلات المدايح تهدد=بالطيب عامرله عمرات وبيوت والله ثم والله قولن مسند= منسى جميله كود ينساني الموت |
البارحه يوم الهموم أزعجتني=بدعت لي قافن يزيل العماسي بديت به يوم الهجوس اهجدتني= يومن عيني ماهواها النعاسي عسفتها ليننها طاوعتني = وعنزتها فوق الجبال الرواسي بعض المواقف بالكلام اجبرتني= وفي انا ليين وفي حال قاسي واسباب مابي كلمتن موجعتني = أبا أتناساها ولاني بناسي لهو من أقصاءالناس ماحركتني= لكنها جتني من اعز ناسيِ ناسن ليا قلت الصحيح اشمتتني = وانا أبقول الصدق وبليس خاسي الصدق أمانه بين راسي ومتني= وأنا بقول الصدق مرفوع راسي لواباقدرناس ماقدرتني=أصبحت بياع الذهب بنحاسي تجاربي لوهي قليله كفتني =ومن الثياب اللبس ثيابن مقاسي والصبرلامن البلاوي بلاتني= اخير لي من شيل درعي وطاسي نفسي على الادنين ماشجعتني =ولاني مجرب باأقرب الناس باسي والحصن ماهو هم كان اصقلتني= اخير من وطيت اسير الركاسي لوكثرت الاحداث ماغيرتني= تعاملي معها تعامل سياسي يومنها من كل يمه غزتني =حاولت اكافحها ولااعلنت ياسي |
أنا البارحه سهران ما ذقت نوم الناس= سهير و عليَ الهم صفَت طوابيره وقفت وبغيت اجلس ولا طابلي مجلاس= وحار القدم يالله عسى بالامر خيره وجبت القلم قلت الكلافه على القرطاس= أبكتب وهذا الراي ما شوف به غيره مدام ان قلبي قام يلعبه الهوجاس= ابا كافح الهوجاس والفكر ابا ديره سبايب رفيقٍ لا مخادع ولا بلاس =اخذله طريقٍ فيه لفه وتدويره مصيبه لكان السوس له بيت بالاضراس= تبي تسوس الاضراس يا سيرة السيره وترى شرهتي تنصاك يا محرق المحماس=يا راع الكرم والجاه يا طيب الجيره ياراع الوفاء والمرجله يا عريب الساس= ليا جات من يمك ترى ماهي صغيره انا اخبرك رجلاً حذر من ندسة النداس= حكيم وفهيم وتقبل الشور وتشيره ورفقة مثل شرواك ما بعتها بنحاس = وترى الرجل عند الرجل محفوض تقديره ابي منك مضمون الحقيقه كفيت الباس= على شان من وسط الحشى تطفي النيره انالي ليالي كل ما ذعذع النسناس= نشدت الهبايب وش وارء هضبة عشيره ومرسل لها عساس ماجاني العساس = لقا له كريمً ماتمله خطاطيره وأنا بنتضاره صرت بين الرجا والياس= حسب ما سمعت اني مقدر بتقديره وطاح الحيا ما بين واد الرمه وشماس= وشفنا الربيع الي تسلي نواويره وجينا على وضح النقاء مع هل النوماس= مساييرللي ما تمله مساييره ولاجات الحقيقه ما حصل ما ينوش الراس= كمال وجمال ولاحصل منك تقصيره حصل حاجة ٍ ما حست الاَ على الحساس= وترى الجرح لاشم الهوى زاد تاثيره على يمينها ويسارها لو نحط اقواس= قراها بليس وراح يضرب مزامبيره نبى الراي طول الوقت مابيننا ينداس= ما كلٍ على كيفه يوجه مضاهيره |
يا لله دخيلك من نصيبن كل ماياقف يطيح= ويالله دخيلك من عصاتن ماتفك من الكلاب كم شفت بالدنيا كريم وشفت بالدنيا شحيح= وكم شفت بالدنيا عزيزن من عزيزين الجناب ياما استفد من العواء ويا مااستفد من النبيح=لله درك ياالزمان اللي تطوع للصعاب لاصار زندك في نهار الضيق ما يقدح قديح=ارمه من اعلا مرتفع ولا ادفنه تحت التراب ياهاجسي لاتمدح الي مايليق ابه المديح=يلحقك من مدح الردي ياهاجسي لوم وعتاب لاصار ماهو مثل ماقالوا سنافي هب ريح= وش عاد لوانه بنى باالصلب ناطحة السحاب وترى المسى بالفيضه الي نبتهى حرمل وشيح = أخيرلك من مجلسن وداء فلان فلان جاب |
الاخ العزيز الحب الباقي
بيض الله وجهك ومشكور والله يساعدني على رد جميلك |
هاذي الابيات رثاء بشاعر قبائل الخليج العربي صياف الحربي
رحمه الله
بحر الرثاء قاعه وصلته بلحظات = واخترت من زين المثايل مثايل وترجمتها فوق القراطيس بابيات= أبيات في حق السحيمي قلايل ولو القصيد يرجع الميت لامات = قصدت لين انام تحت النثايل صياف اخذ في ساحة الشعر جولات = ولحق ربوعه كاسبين النفايل لحق الثلاثه عاسفين الصعيبات = عون الرفيق معدلت كل عايل مرحوم يا من لك مع الشعر وقفات =(مرحوم ياشاعر جميع القبايل ) شاعر ثقه ماهو بشاعر مسجات = اثبت وجوده يوم قدح الفتايل قبل القصيد يصير بالانتخابات = ومن شاشة الجوال ترسل رسايل اربع عقود يصوغ زين العبارات = ويتابعه جمعاً من الناس هايل اسمٍ لمع ما بين كل المحيطات = ودخل بتاريخ الرجال الاوايل قبل العرب للشعر تسس محطات = تنقل قصايدهم ظهور الرحايل لامكتبٍ ينشر ولابه قناوات= زين الكلام مثبتاً بالدلايل ما شعرهم بالجمهره والدعايات =وفلان فيه اقصور وفلان طايل ويا الله يالي لك تصلى الصلاوات = ترحم فقيد الشعر واف الخصايل |
يا الي تقول اليوم ماشي على وين = بيني وبين البر باقي علاقه علاقتاً ماهي جديده لها اسنين = معه العلاقه قبل اقص البطاقه وللبر في قلبي محبه لاهل حين = والا القدم ما كل مرقاب واقه والها عن المنهاج حروة اسبوعين = والبال ضاق من البلد وصتفاقه لجه وصجه وازدحام ودخاخين = وتبلش لاوأنك ماهراً بسواقه ياللي تقول السوق يجمع هل الزين = قلبي لشوف البر زاد اشتياقه مرتاح لين احط شويه على يمين = واخذ مع الخط الطويل انطلاقه وأن بان لي تلٍ مقابله تلين = أخذ يمين ومشيتي في رواقه وأنزل على فياضاً سوات البساتين = ريح النفل فيهن تقل ريح باقه ذيك الفياض اللي ذكرها ابن حثلين = بعد انتحا عنها لهل الشوق ساقه وليا نزلت اجمع من الرمث كومين= والنار اولعها بعرف ولباقه ومن وارد الرسلان حضرت ثنتين = وصلحت فنجالان لذيذن مذاقه والهيل هو والبن كيف السلاطين =ماهو بكيف اهل الهروج الدقاقه وقمت اتلافت وين راع البعارين = اللي يرحب بالضيوف ابشفاقه ولاني من اهل البل ولا من هل الضين = لكن لي باهل المراجل رفاقه البل تبي رجلاً رصيده ملا يين =وانا رصيدي ما يجيني بناقه وتبالها وايت وصبيان حرصين = وقتن ماهو وقت العصا والعلاقه علمي بها قدام خمسه وتسعين = يوم (ن) ابوي يودع اتلا نياقه سني صغير ولا اعرف الشين والزين = عمري ثلاث وخمس ما له لحاقه واليوم نفسي وين واللي تبي وين = مالي على اللي ترغب النفس طاقه والا محبتها بوسط الشرايين =والقلب رايح من هواها احراقه |
الاخ الحب الباقي
بيض الله وجهك على المجهو الرايع |
هذه القصيدة موجهة للشاعر / علي بن صالح العويمر يأ بو حمد شكـوي تمـت سنتهـا واليوم صار الها سنه يوم عديـت علمي بها يـوم اليديـن أمسكتهـا ورحبت فيهـا ياصحيبـي وهليـت رحبـت فيهـا واليديـن أرفعتهـا وهذا حسب ما فيك ياعلي ضنيـت عسى الفرج ياعلي فـي مقبلتهـا و الا السنه هذا بهـا مـا تهنيـت مشكى لناساً ما أعـرف خاتمتهـا من شأن هذا صوب هـم ماتعنيـت جنبت ناساً عنوتـي مـا أحسبتهـا أهل الرخاء لا جيتهم تقل ما جيـت الناس مشكلتى ما هـي مشكلتهـا ياكبرها كان أنـت عنـي تخليـت أيس من الشجرة وقطـف أثمرتهـا و أقضئ حياتي بين هم و تناهيـت ولا شهر رجال فعولهـا مشهرتهـا يا علي وقت الازمه بـك تعزويـت الثانـيـه و الاولــه سابقتـهـا لكـن تحمـل زلتـى كـان زليـت كان الشكـاوي كثرهـا سمجتهـا عز الله أني في الشكاوي تماديـت ما قلتها مع أبـا أشـوف أخرتهـا وأثق و لو كثرت عليه التصاويـت رجلك صعيبات المماشـي مشتهـا وأن كان ما جريتني مـا تجريـت كان العصاء يمنـاك مـا عدلتهـا ماني بشيلها و لـو مـا تعصيـت حاول بها عسى تعـدل أعوجتهـا و معذور ياريف الخوي كانك أزريت و رد الشاعر ... علي بن صالح العويمر .. حي المثائـل و الجزالـه صفتهـا نحت الحكيم البيت سلم على بيـت حكـم معانيهـا ووثـق ثقتـهـا و أغلا ثمنها و النوادر لها صيـت من شاعراً هاجوس فكـره بنتهـا تهيضت في قاف أتها وعلى أيـت مثل الذهب و أغلى وذي ميزتهـا صبت وصيغت صوغ وللعلم تثبيت صعب القوافي هاجسـه طوعتهـا واثق واقول أنه بحر ما أستشكيت وعلي قدم رجلـه دروبـاً وطتهـا ما همها لا شاً و لا هامهـا هيـت يقدم على الغبـات فـي ملطمتهـا ويقدم على حوض المنايا الى أبديت أهل المعرفـه توصـف بمعرفتهـا وتسمع مع أهل المعرفة لا توحيت الشمس لو أن السحايـب وطتهـا لا بد ما تبـدى مـن الله بتوقيـت صعب المواقف و السنين أثبتتهـا على عرفته ماشا عيب الى ابديـت وأقول و أبرهـن علـى برهنتهـا و الى مكذبني يجـي مـا تزريـت ماني كملـي لا سمـع صاملتهـا دور ملاذ ولاذ عن قـول حسيـت يمناهـا يومـن الليالـي كتفتهـا حاولتها بفكري وحاولت و أزريـت لكن أنا شفت الليالـي أعسرتهـا ولقيت مالى قدرتٍ لـو تعزويـت الشكـوي لله قدرتـي مقدرتـهـا سويت ما سويت وأقبلت وأقفيـت هذا و لك بالعطـر أزف أورقتهـا وأرجو السموحه كان بالقول زليت |
الساعة الآن 09:15 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
