تعال ياحسني مبارك جنب زين العابدين=أجلس وأزانه والرئاسه خلها لرجالها
عجوزك اللي لك تلين اليوم ماضني تلين=عافت عجوز الغرب شوفك وش تبي بقبالها
من بعد ما كانت تضمك باليسار وباليمين=اليوم ياحسني ماكنك واحد من عيالها
قامت تسبك فالبشر واتشبهك بالخاينين=وادس لك سم الأفاعي في عذيب أدلالها
حلت حكومتك الرشيده وارخت العقد المتين=فكت خرزها من يدينك وانقطع سلسالها
حضر التجول مامنع سكان مصر الغاضبين=اللي تجمهر فالشوارع شيبها واشبالها
البارحه سبع وزراء ألقوا في مجلسك اليمين=الكيله اللي ماوفت محدن يبي كيالها
ماهو بنافع لو تصرح بتّنحي بعد حين=تسمع خطابك مصر لاكن ماهدى زلزالها
أصفط ماخف من الملابس وازبن الضلع الحصين=المملكه دار الكرمه عز من يلجاءلها
في ضل أبو متعب ملكنا ياعسى عمره سنين=حتى الملوك تلوذ في ضله ويصلح حالها

المشاركة الأصلية كتبت بواسطة رابح الجحدلي (المشاركة 966524) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة محمد عبدالله البدراني (المشاركة 966549) صح السانك ياسعود وعلا شانك وان كنا غير مرحبين بلجوء الظالمين الينا وحمايتهم فلا بد من محاكمتهم واعادت مانهبوا من اموال المسلمين واقامة الحد عليهم تحيتي وتقديري

المشاركة الأصلية كتبت بواسطة خالد بن مبيريك (المشاركة 966551) صح السانك ياسعود وعلا شاااااااااااااانك وعسا الله يصلح شأن الامه العربيه