ياضايق الخاطر على ويش ضايق=لاتكدر الخاطر علـى كـل زلـه
رايق أسوي غاية الكيـف رايـق=مـن لايـروق الـيـوم لاراق لله
يروقلك فنجال مـن المـر ذايـق=قمـة رواق وغايـة الكيـف دلـه
ساعة رواقـه تسعـدك بالدقائـق=يمكن تساوي سنين والعمـر كلـه
أنت العزيز اللي لـه العـز لائـق=الناس تعرف كل درب(ن) تدلـه
لا صار فى مخك كثيـر الحقائـق=عقلك دليلك أكثـر الهـرج خلـه
أقرب قريب(ن) لك من الناس عائق=الحب مايسكن نفـوس(ن) مغلـه
من لاتوثق فـى كلامـه وثائـق=أضحى كلامه مثل سـرد المجلـه
أن كان ولع فى ضميرى حرائـق=ذكرت ربي كاشف(ن) كـل علـه
يالله يـا زارع بقلـبـي حـدائـق=غيثـك إيلاهـي للفـؤاد وتهـلـه
غيث(ن) يغيث القلب والصبر فائق=نكسبها أجر(ن) وشخص(ن) نجلـه