ابطأ الدلي ماجاء من الجم راهـي=والمستعين ارهى مـن المستبـدي
بالراي والا المستعان ال إلاهـي=الواحـد المعبـود منـه استمـدي
عزمي وحزمي والرجاء والوجاهي=في جاه من يعلم خفى كـل سـدي
واغلى الدرر واثمن بنات الشفاهي=ماسمرن يمناي من تحـت خـدي
كم لي مضى معهن بكـل انتباهـي=ولا لاح منهن غير وضحاً تفـدي
مع صحصحٍ يسبح به الطير ساهي=ياعاقل (ن) يوسف لهـا لا تلـدي
بجهود من في عرفه افخر واباهي=عبـدالله السلـوم عرفـه يسـدي
بحر (ن) جناه الدر وادنى المشاهي=معهن خبير الغوص يبغى مقـدى
بين البشـر بالمعرفـه باشتباهـي=وبين الطبيعـه والمعـادن تحـدي
والنار فيها يمتحـن كـل زاهـي=ويبقى الذهب ماله نظير (ن) وندي
ياخذ عريق الساس نفس اتجاهـي=واليـا صدفتـه باللقـا مايصـدي
ياقلب.. الا ياقلب.. دنياك ماهـي=على مثل ماكـان ميـر المـردي
مانت بعلى بـر الامـان برفاهـي=خلك حويـط وكـل حـر يهـدي