مبروك يانواف وسام المعازيب=تستاهل المنصب ويزهاك بالحيل
يستاهله شرواك وعكف الاشانيب=اللي مجالسهم به البن والهيل
وابوك مع جدك علو للمراقيب=عدو على المرقاب يوم اسود الليل
يشهد ترى البيرق لكم والاجانيب=مع الامام فعولهم تشبه سهيل
صقر الجزيره يوم حرش العراقيب=عبدالعزيز افعاله اقرح من النيل
حرن ويظرب بالكفوف المعاطيب=ماهي سوالف مسرد الهرج و بخيل
شامت لابو تركي وشامخ كما النيب=زانة عقب غارات شلفن على الخيل
وخلف عيالن كل منهم كما الذيب=واقول ابو متعب زعيما ليا قيل
في بال حتى الطفل حاضر ولايغيب=من فعله السامي يحبونه الجيل
وترحيبتن لاهل الوفا مابها ريب=ازفها للي حضر والمشاكيل
بحفل الحنيني راعي العرف والطيب=من لابتن تذبح من الجزل والحيل
من لابتن لو قدمه الموت ماتهيب=حربن تكيل وتوفي الوزن والكيل
منهو نواهم لو ولد يصبح مشيب=افعالهم بانت وتهتف كما السيل
وبكل القبائل نعم ما انقص ولا اعيب=فيهم رجالن تنهض الحمل و الشيل
وبأهل الوفاء والطيب واهل المواجيب= على السعه والرحب وحسن التعاليل
بسم المعزب والحفل والمعازيب=اهلا هلا بحضور كل المقابيل
اعداد شمس الكون واعداد ماتغيب= واصخر القيفان وابدع مواويل
ماهو كثير بحقه الشعر و نجيب=نواف ضرغامن و لو نبدع القيل
وصلاة ربي عد ماقيل ترحيب=واعداد ماتقراء ويكتب مراسيل
بشفيعنا يوم الحشر واللواهيب=ويامهلك جيوش ابرهه بالابابيل
تشفي ابو متعب حصان الاطاليب=امين وادعو كل حزه وبالليل