مادامني لاقفيت دايم على البال=ما جازلك في دنيتك فنت سوه
ان جيتني بهبال بجيك بهبال=ون جيتني عميان اجيلك متوه
ماني مجنب عنك في كل الاحوال=درب الرخامه ضعف والطيب قوه
لين انها تقفل من الجال للجال=وتصير عند الناس مابك جروه
واعرف ترى للناس قدراً ومنزال=وكلن يقدر حسب خيره وسوه
هرج القفى ماينقله طيب الفال= ولا ينقله شخصً بوجهه مروه
ماكل رجالاً له الطيب مدهال=ولا كل رجالاً يحفظ الاخوه
واللي صحيح معرب الجد والخال=يحرص على قدر الرفيق وسموه
حرصاً مع الايام تضرب به امثال=حسب العقيده واحترام النبوه
والا الوكاد الطيب للحين مازال=بين الوجيه الغانمه في علوه
والعبد له رزقن محدد واجال=من قبل لايكمل مراحل نموه
واللي يقول انه معمر له اجيال=يجيه ضعفه بعد وقت الفتوه

حجز 1

ولي عودة