|
كل ماغبت غابت معك بعض الوناسه
كل ماغبت غابت معك بعض الوناسه=ياجميلٍ عن الانظار شهرين غايب ياحبيبٍ بعد ماغبت شفنا التعاسه=ياطبيب القلوب وياحبيب الحبايب كل ماسج فكري جاه ذكرك وحاسه=واشغل القلب في ذكراك والقلب تايب صاحبك في غيابك قل عزمه وباسه=صار عنده غيابك من كبار المصايب قل عزمه وباسه ثم تردا حماسه=لويحاول يطيب الحال ماهو بطايب ماتفيد العلوم ولاتفيد السياسه=معك ياللي وهبك الله جزيل الوهايب انت قلبك حديد وباقي الجسم ماسه=كم تمنى يشوفك من شبابٍ وشايب بس مافيك امل والحب ماذقت كاسه=ولاشواك الهوى مثلي وشفت النشايب ماتعرف الهوى وتعرف جوه وناسِه=ولااصبح القلب من لوعات الاحباب ذايب ولاشكيت الظروف ولاشكيت التعاسه=ولا بدا الراس من دورات الايام شايب ياهلا ياحبيبٍ دارسينه دراسه=بس قلي بعد ماجيت ويش انت جايب |
انت قلبك حديد وباقـي الجسـم ماسـه
كم تمنى يشوفك مـن شبـابٍ وشايـب الله الله نص يجبرك ... على قراءته للنهاية ... ويجبرك على الابحار معه ... نص يجعلني اقف احتراماً / لكاتبه مفردات جميله ... نداء الغيداني يمتلك قافيه عذبة المذاق وحس شعري راقي لله درك يابى سامي |
قصيده روعه
صح لسانك اخوي نداء الغيداني قصيده قمة الروعه الله يديك العافيه |
الأخ الشاعر : نداء الغيداني صح لسانك وبيض الله وجهك قصيدة جزلة من شاعر جزل له صولات وجولات مع عالم الشر , شكرا لك لك التقدير ولإحترام لاهنت |
الله الله الله الله
صح لسانك وبيض الله وجهك نص جميل يستحق التميز |
صح لسانك يا ابو سامي على هذه الجزلة و انت دائما حريص على الجزالة
و مادام غيابه شهرين ماهيب شئ يا ابو سامي |
نداء الغيداني
ابو سامي شاعر لايختلف على شاعريته اثنان هاهو يعود ويطربنا شعراً فصح لسانك وطاب بيانك |
|
اقتباس:
وشكرا على الاشاده القيمه واعتبرها وسام فخري على قصيدتي تحيتي وتقديري |
اقتباس:
وشكرا على مرورك العطر تحيتي وتقديري |
الساعة الآن 09:29 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir