مطلق=
ابتعبك ياصياف وارتاح يامستور=بهز الحريبي لين يهتز ميزانه
ولا أبغاه يبقى ضابطاً فأول الطابور=وميدان فيه الحرب ماهو بميدانه
صياف=
ولا ياعذابك يالثبيتي سنه واشهور=لاكن الدهر يضرب براسه وكرعانه
أشوفك تغني فا المسارح وأنا مقهور=ياليت المغني في يدي واقطع السانه
مطلق=
إلِي بيرق عالي وطول الدهر منصور=وانا ماشريت البندق الا على شانه
ليا شفت لي واحد عوج صنعت الباكور=اخليه يجلس مع حريمه ورعانه
صــــــيـــاف=
انا عارف انك تحمل البندق المعمور=ولاكن اليا هاحين يطلبك ديانه
ترانا ليا جينا الجبل ماتطير طيور=مغار الطوير الي يرفرف بجنحانه
مطلق=
أخليه في الميناء واسافر على البابور=ابو عكةٍ ماهي من السمن مليانه
يدور الفلك لين الليالي عليك اتدور=ويطلع عليك الفارس بشلفاه واحصانه
صــــــيـــاف=
على نيتك تمشي يامنهي ويامامور=ويالطرقي العجلان الايام عجلانه
انا عارف انك عقرب مده الطنقور=تدور على على المسلم تبى مسكة السانه
مطلق=
عسى اللهِ يقطع شوفة الذيب ابو حنجور=عيونه لها مده من الدمع غرقانه
لياليك ماهي كلهنه فرح وسرور=تدور الليالي فوق ضينك ورعيانه
صياف=
لو انك غريب ابلا وطن قلت لك ماجور=لاكنك سعودي عند ورده وريحانه
الا ياكثر ما تهرج الناس ظلم وزور=يسبون في ا لتاجر علشان دكانه

المشاركة الأصلية كتبت بواسطة ابوسفيان العلوي (المشاركة 849483) إنعصر قلبي--- وتذكرت ايام سمعنا فيها صوت صياف---- ياجعل مثواه الجنه