كاتب مشاعر=
سلام ياربـه المقطـوف = حلو العطر زاكي الفحوى
ياهيئه الامر بالمعـروف = جيت أرتجي عندكم فتوى
الـصامـت=
من يانعات الوفاء مصروف = ناقيه من خاطـري نقـوى
ترحيب خارج عن المألوف = ينتاب من يسمعه نشـوى
كاتب مشاعر=
تصريح بالمشتكى مكشوف = مالـي بسـاره ولاأروى
أحشد جيوشي ألوف ألوف = ألقى حصيلي غثا أحـوى
الـصامـت=
ياحروف متشبكـه بحـروف = عن سرها اكشف النجـوى
ساحر سحر والعيون تشوف = ياصاحب السحـر مانقـوى
كاتب مشاعر=
اللي مضى ماعليه حسوف = واللي بقى صار مايسوى
أشوفني كنـي المعيـوف = أو بي مرض ينقل العدوى
الـصامـت=
تبقى صروف الزمان ضيوف = ياعِد من يارده يروى
سِـج القدم والتعب مخلوف = مازال بين العرب نخوى
كاتب مشاعر=
الامر ماتحتويـه وصـوف = عدوان قلبي وشـي أسـوى
لي ذنب في مثل ذيك ظروف = وإلا الـوزر للـذي أغـوى
الـصامـت=
مجهودهم فالظلام ضعوف =والله على الظالمين أقوى
للنايفة و أهلها مصفوف = ولايخيّب الله.. لك رجوى

المشاركة الأصلية كتبت بواسطة ابومبارك اليوبي (المشاركة 816218) ياسلااااااااااااام لحن من اروع مايكون ياسيد الغوالي واسحبلنا من الديوان زهوراتك البهيه صحت السنتكم كل الود

المشاركة الأصلية كتبت بواسطة رابح الجحدلي (المشاركة 816222) صحت السنتكم والله يعطيكم العافيه بيض الله وجيهكم

المشاركة الأصلية كتبت بواسطة ابوفـــرح (المشاركة 816244) ابداع وامتاع صحت الالسن وسلمت الايادي تقبل مروري اخي الكريم