الصباح ان طل في وجه الضلام = يختفي من حينه لاجي للهروب
ينسحب من دون كلمه باحترام = ويتجدد بعد حزات الغروب
وانت مثله يوم تبدى بالكلام = تنجلي فيني مجالات الكروب
ان ضحكت الجوف ينطق يا سلاااام = اهتني وبلمستك بالحيل اذوب
شفت منك اصدق محبه واهتمام = ثم جفى وحرمان وعاجز لا اتوب
والله اني ما تمنيت الغرام = ولا ودي بالتقلب كل نوب
الفرح لي صار بيدينك حرام = تقطعه عن عيني بكل الدروب
الهوى يبني ويهدم بانتضام = هذا فعلك فيني يالغرو اللعوب
وانت ما خليت فيني لو حطام = استعيد بناي به لو هو يا دوب
شوفني بمشي على عكس النضام =واتنكر كل يوم بلبس ثوب
ان بغيت تعيش بالدنيا بسلام = خلي صدرك يا بعد قلبي رحوب