ملتقى قبيلة حرب الرسمي - ( انا بدوي لاقالوا الناس تكفى ) ............. مساجله

/
/
/
/
/
/
/
/
/
/
/
/
/
/
/
/
/
/
/
/
/

بدع الشاعر / خالد بن عبيد بن معتوق ألأحمدي

مثل العسل حالي من الشمع مصفى=ردّه على نايف عريـب المناشـي
نبغاه يفتينـا إلـى جـاه وصفـى=عن حيرة ٍ بالنفس تطلـب نقاشـي
ماكل مذنب مـن خطايـاه يعفـى=بعض الخطا وقعه كبيـر ٍ وفاشـي
وماكل جرح ٍ صاب الانسان يشفى=لو عالجوه بطب حقنـه وشاشـي
وان كان بعض الناس له كيد يخفى=ماني لهم في منهج الشيـن ماشـي
عندي لهيب الغيض بالعزم يطفـى=والذيب ماهمـه نهيـق الجحاشـي
وانا بدوي لا قالوا النـاس تكفـى=افزع لوني طايـح ٍ فـي فراشـي
هذي عوايد بالعرب صعب تنفـى=قبل النبي يشهـد بعـدل النجاشـي
وابن عدي اعرض عن الدين واقفى=وله شيمة ٍ عنـد النبـي ماتناشـي
من فعل مطعم يشكـره يـوم وفّـا=وجار النبي غصب ٍ على كل واشي

واليكم
رد

الشاعر/ نايف بن صالح المالكي

يامرحبـا باللـي قصيـده موفـى=خالد أمير الـذوق والفـن عاشـي
ويامرحبا به دوم فـي كـل ملفـى=ترحيبت(ن) من وجه كله بشاشـي
خالد مع الصدقـان وفـى وكفـى=شعره دوا المجروح يروي العطاشي
فيه الحكم جزلات كالشهد واصفـى=أقوال مثل المـاس جتنـا بلاشـي
انتم لكم صـولات ماهـي بتخفـى=بهرتنـي بالفـن زدت اندهـاشـي
بنصحك انا ياصاح واعطيك وصفى=حتى يطيب العمر يحـلا المعاشـي
خلك مـع المعبـود جيـه ومقفـى=وابشر بسعد البـال ياتيـك كاشـي
تلقى بقربـه دوم رحمـه وعطفـى=ويوفقك للخيـر طـول المماشـي
وختامهـا مشكـور مليـون والفـا=خالد أمير الـذوق والفـن عاشـي