انا البارحه ساهر الليل كله= ابي النوم و النوم عيا يجيني
وقلبي هجوس الضماير تتله=مع الليل الاظلم و حبله متيني
بوسطه من الهم مليون عله=و حيله قصر دون جر الونيني
يفكر و فكره مع الليل مله=ويصرخ بصوت الرجاء ياسنيني
ياقلب وضعك عسى الله يحله=ماغير رب السماء لك معيني
من يوم يومي و أنا معك دله=علي جمر نار العناء تشتويني
و عينك تصب القراح و تهله=في وسط جوفي وماها حزيني
و ابهارك القاف دقه و جله=و بيض الدفاتر فناجيل صيني
اطبخ لك الكيف فيني واسله=بوسط الدفاتر عقب ما تزيني
وانكان مااعجبك ياحال حله=ضعنا وضاع الرجاء منك فيني
برجع لجمر العناء لين ابله=من طبختي بالحداء و الهجيني
والموت موتي بالليل الادله=و لا شفت همك عليها يحديني
و ليا متى الهم يا قلبي قله=ساكن بوسطك كذا بـاأي ديني
هو لية ماله مع الوقت مله=و ما خاف رب الملاء يبتليني
مير الصبر جعل ربك يشله=و ترتاح من تل ذيك الايديني
وتنسى عنا الهم وأنساه كله=ولليل العنا ينجلي عن جبيني
من عقب ليل السهر والمذله=تسهر ليالى الهناء كل حيني
ويالليل ليل العناء الدرب دله=لك يوم تذلف وترتاح عيني

[table1="width:95%;"]