سالم البشري=
سلام حرف الذهب نقشه=مرسوم بالطيب ومنقيه
لو غبت تبقالكم وحشه=ياملتقى حرب واللي فيه
قابل البشري=
يامرحبا ودكم برشه=وطيبك حجز فالقلوب أوكيه
نهديلك العطر ونرشه=والورد في دربكم نرميه
سالم البشري=
ماصابني فالوفا دهشه=تسلم لنا ياجناب البيه
زان اللحن ياجمل مَشّه=والدرب خابرك ماتخطيه
قابل البشري=
من حبه الله في عرشه=حبب جميع الخلايق فيه
وعلمٍ عقدتوه مااطُشّه=وليلٍ سريته معك ساريه
سالم البشري=
صابت سنين الظما رَشّه=واحيت أمل ماارتوى ظاميه
ياهل ترى ينتشي ورشه=ولاّ يضيّع جَهد راعيه
قابل البشري=
اللي قصير النظـر غشّـه=يموت زرعـه ولا يجنيـه
ويشيل بعدالتعـب قَشّـه=ومن كل مكسب يغسل يديه