اباابدأ بذكر الوحد المطلع بالحال = عظيم الرجا اللي كلمة الحق سامعها
يجازي هل الايمان عن صالح الاعمال = ويعلم خوافيها ويعلم دوافعــها
عليم النوايا والمقاصد من الافعال = بسط سبع اراضي والسموات رافعها
انا ابا استعين الله واقيس بالمكيال = وابا اطرق مواضيع فسيحه شوارعها
امور بدت في مجتمعنا تغث البال = عسى الله بتدبيره يجفف منابعــــها
من اهمها الغيبه وترديدقيل وقال = مع الشائعات اللي مضره شوائعـــها
تلفظ بها حاقد وتسري مع الانذال = خبيث النويا كلمة الحقد يزرعهــــا
ليا صاغها في خبث يرسل بها مرسال= نميمه حقيره قاتل الله صـــانعهــــا
واشوف الحسد له عند بعض البشرمنزال= كما راية حمرا على الراس رفعها
مصب الحسد من حقد ونهايته سلال = سكن بالقلوب اللي خبيثه طبايعهــــا
ومنع الزكاه ولعبة الماكر المحتال = صفات خبيثه طابع الكفر طابعهـــا
مع اكل الربا والغش من شان جمع المال= مصادر رذيله جعل تتلف مزارعها
ومن ضمن ما لاحظت موضه مع الجهال = تقاليد من ديرة هل الكفر مطلعهـا
عقايد خبيثه خايبه تمسخ الرجال = ارجال تشابه للنساء في تدلعهـــــــا
كلام هزيل ومنطق به خزي واذلال= حركات ممجوجه يحاول تصنعهـــــا
قليل الكرامه والشهامه خبيث الفال= ونفس ضعيفه للمهازل يطاوعهـــــا
عن المرجله عاجز على المفسده خيال= يضر البلاد اللي نشا من منافعهــــا
على والدينه هم للمجتمع غربال = صفات الردى والضعف والخبث جامعها
ولااعم كل الناس بين الرجال ارجال= ارجال الكرامه والشهامه مطامعها
ارى بالاوآدم من يسمون باالابطال = ولكنّها ناس قليله نوايعها
الى جيتهم لقيتهم في مكان عال = عنيفه وقايعها جميله صنايعها
ارجال الى واجهتهم للحمول جمال= شريفه مطالبها عنيفه وقايعها
ولاني مكلف بالتعامل مع الدجال= مادام الديار الله لخلقه موسعها
ليا شفت من يرضى الهزيله وحمله مال=حبال توصلني بشرواه اقطعها
اقوله وانا لي موقع فوق عل الجال = وابين اعلوم جعل ربي يسنعها

المشاركة الأصلية كتبت بواسطة ابوخالد الفريدي (المشاركة 556664) اباابدأ بذكر الوحد المطلع بالحال = عظيم الرجا اللي كلمة الحق سامعها يجازي هل الايمان عن صالح الاعمال = ويعلم خوافيها ويعلم دوافعــها عليم النوايا والمقاصد من الافعال = بسط سبع اراضي والسموات رافعها انا ابا استعين الله واقيس بالمكيال = وابا اطرق مواضيع فسيحه شوارعها امور بدت في مجتمعنا تغث البال = عسى الله بتدبيره يجفف منابعــــها من اهمها الغيبه وترديدقيل وقال = مع الشائعات اللي مضره شوائعـــها تلفظ بها حاقد وتسري مع الانذال = خبيث النويا كلمة الحقد يزرعهــــا ليا صاغها في خبث يرسل بها مرسال= نميمه حقيره قاتل الله صـــانعهــــا واشوف الحسد له عند بعض البشرمنزال= كما راية حمرا على الراس رفعها مصب الحسد من حقد ونهايته سلال = سكن بالقلوب اللي خبيثه طبايعهــــا ومنع الزكاه ولعبة الماكر المحتال = صفات خبيثه طابع الكفر طابعهـــا مع اكل الربا والغش من شان جمع المال= مصادر رذيله جعل تتلف مزارعها ومن ضمن ما لاحظت موضه مع الجهال = تقاليد من ديرة هل الكفر مطلعهـا عقايد خبيثه خايبه تمسخ الرجال = ارجال تشابه للنساء في تدلعهـــــــا كلام هزيل ومنطق به خزي واذلال= حركات ممجوجه يحاول تصنعهـــــا قليل الكرامه والشهامه خبيث الفال= ونفس ضعيفه للمهازل يطاوعهـــــا عن المرجله عاجز على المفسده خيال= يضر البلاد اللي نشا من منافعهــــا على والدينه هم للمجتمع غربال = صفات الردى والضعف والخبث جامعها ولااعم كل الناس بين الرجال ارجال= ارجال الكرامه والشهامه مطامعها ارى بالاوآدم من يسمون باالابطال = ولكنّها ناس قليله نوايعها الى جيتهم لقيتهم في مكان عال = عنيفه وقايعها جميله صنايعها ارجال الى واجهتهم للحمول جمال= شريفه مطالبها عنيفه وقايعها ولاني مكلف بالتعامل مع الدجال= مادام الديار الله لخلقه موسعها ليا شفت من يرضى الهزيله وحمله مال=حبال توصلني بشرواه اقطعها اقوله وانا لي موقع فوق عل الجال = وابين اعلوم جعل ربي يسنعها

الأديب والشاعر الكبير : علي بن زيــد الفريدي

صح لسانك وبيض الله وجهك على هذه القصيده الجزلة
التي تعتبر من نوادر الشعر
لما تحمله من توجيهٍ سليم
ونبذ للخصال الممقوتة وأهلها
ولااستغربها منك يابو خالد
لما اعرفه عنك من حكمة و سعة اطلاع
لكم مني جزيل الشكر والتقدير