يا مرحبا يا أمير من بالٍ نظيف=يا مرحبا عداد همال المطر
أهلاً هلا يا مرحبا يا أعز ضيف=عداد من زار المشاعر واعتمر
شرفتنا يا راعي الأصل الشريف=وزيارتك لأهل الحناكية فخر
من نسل قرناسٍ معه سيفٍ رهيف=بدأ على نهج الشريعة واستمر
موحد بلاده تحت راية وسيف=من رأس تنورة إلى البحر الحمر
كانت بحرب ونهب في الوقت المخيف=واليوم أمان وطايحٍ رمح الخطر
وصارت ربيع اليوم في صيف وخريف=وعاشوا بأمان وفي رغد بدو وحضر
وأنتم على نهجه على الدين الحنيف=أقولها ويشهد لكم كل البشر
يا مزبن المضيوم يا ملجى الضعيف=من صار بحماكم تريّح واستقر
يا عزوة الإسلام يالحيد المنيف=لعلكم تبقون للأمة ذخر
واللي طمع فبلادكم يرجع معيف=ما قدمه الاّ النار والموت الحمر
والشعب معكم بالثقيل وبالخفيف=جنودكم يا أمير في بردٍ وحر

المشاركة الأصلية كتبت بواسطة الحب الباقي (المشاركة 556300) صح لسانه مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة غازي الزغيبي (المشاركة 556306) الله يعطيك العافيه ياعبدالمحسن على النقل وبيض الله وجهك وصح لسانك ولسان الوالد والله يطول بعمره