|
قدمت عذري لشهمٍ طيبٍ فاله
السلام عليكم ورحمة الله وبركاته
في احد الايام اتصل عليه الشاعر الكبير / عضيب بن هليل العلوي عدت اتصالات ولم انتبه لهذه المكالمات لان جوالي بهذه الفتره كان على الشحن وكذلك يكون مع عيالي بعض الاوقات ولم انتبه لهذا الاتصال الا بعد مارسل لي رساله لان المكالمات كثيره بين العيال واصدقائهم على جوالي وانا ماعرف رقم تلفون ابو بدر من قبل هذه الرساله اللتي تحمل السلام وبجانبه العتب عليه وكان من حقه هذا واتصلت به على الفور ومن ثم تعذرت له بهذه الكلمات اللتي ماتعفيني من الحق وحقه وحق كل غانم شرواه مافيه كلام واليكم هذا الاعتذار وارجو ان تحوز كلماته على استحسان الجميع
الفارس اللي يزيح الجمع بفعاله=مالوم حرب الحرايب يوم يغلونه
ارحب هلا يازعيم الشعر ورجاله=ماعاش من صك في وجهك تلفونه يابو بدر مضحي الجمران جواله=اهل سوى كل مايرقد يخمونه مار قفلت الخط ماتخطر على باله= لا واللذي امة محمد يخافونه لو تطلب الشرك في غاليه من ماله=يقول لك تم مطلوبك من عيونه وابن هليل نقوم برسم مرساله=تكسر يميناً ترد الباب من دونه من هس في واجبه مايكثر رياله=عساه عقب غناته تكثر ديونه قدمت عذري لشهمٍ طيبٍ فاله=والنفس لرضا رعا الجزلات ممنونه |
الاخ مضحي بن جمران الله يبيض وجهك ياشاعرنا الجزل
وعضيب اقسم بالله ان له عندي معزه لاتوصف رغم اني ماعرفه الا بذكره الطيب مع الرجال الطيبين شاعر له صولات وجولاات دون القبيله الله يبيض وجيهكم انت وياه |
الله الله الله الله
الشاعر الجزل والمبدع مضحي جمران صح لسانك والله يعطيك العافيه جزله من جزل ولايستغرب منك الجزل |
بيض الله وجهك اخوي ابن جمران قصيده جزله من شاعر جزل لاهنت |
الله الله الله الله
الشاعر الجزل والمبدع مضحي بن جمران راعيها ولد راعيها راعي الجزله والعلوم الغانمه صح لسانك والله يعطيك العافيه جزله من جزل ولايستغرب منك الجزل تقبل تحياتي |
ابو احمد مقوف طريف
وممتع قريت القصه حرف حرف والقصيده كثر من 10مرات وطلعة بصوره مايعبره القلم ولا اقول الا الله يطول بعمرك وعمر عضيب وصح السانك وسلم فكرك وبيض الله وجهك وابو بدر وش ابا قول عنه اكبر من موهبة كتابتي وامسي عليه باالخير من هذي المشاركه وباقولك شي دايم امر بهذا الموقف من الاولاد وخذات الجوال |
صح لسانك
.. .. أسجل اعجابي بالقصيدة .. ويعطيك العافيه .. |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
[quote=سعد المحمدي;555480]الاخ مضحي بن جمران الله يبيض وجهك ياشاعرنا الجزل
وعضيب اقسم بالله ان له عندي معزه لاتوصف رغم اني ماعرفه الا بذكره الطيب مع الرجال الطيبين شاعر له صولات وجولاات دون القبيله الله يبيض وجيهكم انت وياه وجهك ابيض يابن العم الكريم سعد المحمدي لاهنت وهذا هو شعور الجميع اسعدني هذا المرور النير لشخصك العزيز لاعدمناك |
اقتباس:
والمرور النير لشخصك الكريم لاعدمناك |
الساعة الآن 10:05 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir