قابل البشري=
سلام والجـو دوبـه راق=والأنس دوب ابتدى ليله
نبغى المثل يصعد الآفـاق=ونجني معاكم محاصيله
قميش القريقري=
ترحيب مثل الحيا لانساق=وبله نزل وانحدر سيلـه
وانا لشرح المثـل تـوّاق=عجل عليّـه بتفصيلـه
قابل البشري=
اللي يعاني من الأشـواق=ولحن الأسى في مواويله
له حق فالوصل واستحقاق=إن كان يوفون له كيلـه
قميش القريقري=
زادي صبر مر ماينطـاق=من ظلمه القلب ياويلـه
سهران واخايـل البـراق=اللي ماهلـت هماليلـه
قابل البشري=
مانته معي بالقدم والساق=عن دربي أعطيت تحويله
واناانتظر منك ياعمـلاق=الميل تسعـى لتعديلـه
قميش القريقري=
يقوله اللي معـك مابـاق=الحرف يعرف تشاكيلـه
مادام موج البحر صفـاق=داري مساعيك وامشي له
قابل البشري=
لاني مقصر ولاني عـاق=موفيه حقـه وتكميلـه
أساهر النجـم للمشـراق=من حال تخفى دواليلـه
قميش القريقري=
مادام ماسك معك ميثـاق=اصبر وحمل الصبر شيله
حتى توصل على المطراق=وخطّه اللي يـودي لـه

المشاركة الأصلية كتبت بواسطة حربي عمري (المشاركة 527407) يعطيك العافيه والله يرحمهم جميعا

المشاركة الأصلية كتبت بواسطة بيان الصمت (المشاركة 527412) يا سلام يا جمل الله يصبحك بالخير زي ما صبحتنا بهذا اللحن اللي كله تحويلات لكن على معنى صح لسانك ورحم الله الفقيد ولا يزال لديك المزيد

المشاركة الأصلية كتبت بواسطة خالداللهيبي (المشاركة 527438) محاوره رائعه شكرااا يابو يزيد اتمنى نسخها في الموضوع المثبت الله كمشاركه منك وسوف يتم اضافنها فالموضوع 0 شكرااا لك