آه ياصدر(ن) من الظيقـه تمـزا=كل ضلعن صار بالصدر إرتكازي
ضيقتي في ضيقـة العالـم تهـزا=ماشكاهـا شيـخ بايـام المغـازي
ضيقتي لوهي على العالـم تجـزا=كان كلـن منّهـا بيجيـك جـازي
جامعه سبعن وفي صـدري تبـزا=نعنبوها طولـت والحـال بـازي
لامتى وانـا مـن الدنيـا مجـزا=لامتى وانا انتظر علمن مجـازي
كـن برجولـي مناشيـرن تحـزا=او فيدي نار وإرجولـي بقـازي
السنيـن الممحلـه قامـت تلـزا=قدم وجهي يـوم مافيهـا مـلازي
ابعدت ناس(ن) لهـم قلبـي يفـزا=من حبيب ومن قريب ومن جوازي
بعدهم حالي علـى حالـي تعـزا=فازت الضيقـه بتقديـر امتيـازي
والهنوف اللي بها العالـم تـرزا=قفلـت بيبانهـا والهـم حــازي
نعنبـوا دنيـن تـذل ولا تـعـزا=ونعنبوا حظ(ن) ليا طاح امتـوازي