|
عرضة
يامرحبا عداد وبل من سحابــــــــــــه = واعداد نبت العشب في صحراء وغابـــــــه الشاعر حسين بن مريع العبيديتشدا العسل مجناه من عالي هضابه = يامرحبا حييت ياعبدالمجيــــــــــــــــــــــــد ديار حرب استبشرت بقدوم غالــــــي = من جيته جانا الفرح والهم زالـــــــــــــي يامير طيبه مرحبا يا خير والـــــــــــي = قولوا معي حييت ياعبدالمجيــــــــــــــــــد ياراعيا واهل المدينه لك رعيـــــــــه = واهل الهجر و المدن عندك فالسويه يامعتزي بالمجد والعزوه قويــــــــــه = يامرحبا واهلين ياعبدالمجيـــــــــــــــــــد حيا الا مير وحي من جا فالمسيــــره = خطوه عزيزه خيرها عم العشيـــــــــــــره يانور والديره بنوره مستنيــــــــــــره = غا لين عندي من غلا عبدالمجيـــــــــــــــد والثانيه عساك دايم فالوجــــــــــــود = والرايه العليا لكم طول المــــــــــــــــدود يامزبن المظلوم ياكيد الحســـــــــود = نفخر بكم ياميرنا عبدالمجيـــــــــــــــــــد يامير ياماشي على خطه سليمــــــه = وليا اتخذ رايه تقويه العزيمــــــــــــــــه عمر تبوك وجا على حشمه وقيمــه = واليوم طيبه عزها عبدالمجيـــــــــــــــد الدار تطلب منكم الشي الكثيـــــــــــر = وهو على اللي مثلكم ماهو عسيـــــــر الكهربا ء والخط وعلاج الكسيـــــــــر = هذا طلبنا منك ياعبدالمجيــــــــــــــــــــد واليوم فرحتنا عسى الفرحه تـــدوم = والكل عيد يوم شرفنا القـــــــــــــــــدوم يامرحبا من حرب صبيا ن اللــــزوم =عدتم وعاد العيد ياعبدالمجيــــــــــــــــد |
صح لسانك كثر حروفها واكثر والله
قصيدة جزلة بالحيل ، وكل قاف احسن من الثاني . |
|
صح لسانك مليون ياشاعرنا المبدع حسين بن مريع العبيدي قصيده جزله من راس جزل سلمت ودمت وتقبل مني صادق ودي وتقديري
|
صـح السانك ياحسين عزالله انهـا قصيدة وافيه
وجزله جزلـه وعندي استفسار هذا الطرق اللي عليه قصيدتك مجالسي والا عرضة لأن العرضه عند اهل الجنوب ما يلعبونها حرب والله يعطيك العافيه على القصيدة الجزله |
لاخ لهيب صح بدنك وشكرا على المرور والكلمات الرائعة الجميلة التي هي جملت
القصيدة فشكرا اخوي على شعورك وماعليك زود |
الاخ الحب الباقي صح بدنك والله يعافيك
|
الاخ مضحي صح بدنك اخوي واشكرك على مرورك وشعورك لقد اسعدني كلامك وانت اخوي كذلك جزل وشاعر كبير حفظك الله
|
الاخ مضحي يامر حبا اخوي لقد اسعدني المرور وما جاء فيه حفظك الله انت الجزل
اخوي ماعليك زود |
الاخ طامي ماعليك زود اخوي وصح بدنك
اما من نا حية استفسارك عن القصيدة فهي بالاصح حداية والحداية والعرضة شي واحد سابقا ايام الاجداد فالاعياد يجون الناس بحدايتهم ويرد لهم عليها وفي حالة ماجاءهم احد هم يسوون قصيدة ويلعبون عليها في العيد ولذلك تسمى عرضة لانها ليست موجهة (لمقابل) كالحداية اما انها مجالسية لا فالمجالسي ليس هذا وزنه وانتم طبعا تعرفون ذلك عموما هذه حداية شالوها المواطنين اثناء زيارة الامير رحمه الله لك شكري وتقديري اخي |
الساعة الآن 10:19 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
