يامل قلب(ن) عذبه كثر الأحساس=ليتـه بلـيـد ومايـعـرف الأحاسـيـس
صافي صفا جوهر يسمونه الماس=يخـدش إذا مـرت علـيـه الدبابـيـس
وتذبحني الأفكار في داخل الـرأس=إذا اختلط معهـا همـوم وهواجيـس
الحظ الأقشر منه انا صرت محتاس=والنوم مـن دونـه تصـف الكوابيـس
من عقب هذا كيف ابرتـاح يـا نـاس=اقولهـا وانـا العنـك دوم يــا ابلـيـس

يامل قلبـن كـل مـا هـب نسنـاس=صلف الهبايـب عيفتـه النسانيـس
من هاجسن يقبـل ويقفـي بالايَـاس=ينقاس في حالن وفي حال مـا قيـس
اسباب من رمحه رسخ بين الاقـواس=مافاد مـن دونـه دروع ومتاريـس
ينسـاق مـع دم الشراييـن لمَـاس=يلثم خدود القلـب صلـو الملاميـس
وانا البنى لو ما لقيته علـى سـاس=ما صغت لي صوغن على غير تاسيس