بعض العرب مانحتمل بعده ايام=وإلا بعضهم غيبته ليتها تدوم
واللي يقول ابعدت لظروف وأحكام=أقول بالاعذار ماأنته بملزوم
اللي يواصلنا له إجلال وكرام=ليا حضر محشوم وإن غاب محشوم
ليا تنصانا له انرز الاعلام=يبشر بفزعتنا مع الكيف والكوم
ومن صد ماهز المشاعر ولاقام=لو هو عزيز ومن عزيزين وقروم
لقفى نقفي عنه ونسج الاقدام=مايتبع المقفين ياكود منجوم
هاذي عوايدنا لنا اعوام واعوام=ولاخير في رجلٍ من العز محروم

ليت الورق يدري عن احجام الأقلام=مثل الفعول اليافرقت قوم عن قوم
ومثل الحقايق لافضحت زيف الاحلام=ومثل الصلاه إن قيل خيرٍ من النوم
ياراشد بن رشيد يالمبدع الهام=ياشاعرٍ جاوزت خانات ورقوم
كان القصايد وزنها غرام وجرام=شعرك يجي بالطن وحروفك ختوم
عزيز ساس وراس والسبعة انعام=راعي هلا ويامرحبا ومفني الكوم
من لايعز النفس عن كل الاقزام=يصبر على الهزلات والسب واللوم
ومن جاد ساد ومن رضى الهون ماقام=ومن جدّ مدّ ومن هفا وردّ مهزوم
ومن لافتخر بأفعال واخوال واعمام=يجلس مع الخفرات ويقطع الثوووم