اضيق مدري ليه وارتاح واضيق =وارتاح عقب اضيق واضيق وارتاح
دايم وأنا ماني بمثل المخاليق=متقلبٍ جوي على خف وجناح
عيت تفتح لي قفولٍ مغاليق=وأزريت للقى للمغاليق مفتاح
أخاف اقول محملٍ فوق ماطيق=تفتح علي ابواب صادق ومزاح
يالله أنا طالبك حسن التوافيق=وتغيثنا من مزنةٍ برقها لاح
يارب تامرها على يابس الريق=اللي ثمان سنين طايح ولا طاح

ياحبني لمهندسين الطواريق=اللي معانيهم كما النور وضّاح
العمر ياراشد جهووود وتوافيق=والمومن بربه بلا شك مرتاح
الليل لو يظلم قفته التشاريق=الله جعل ليل وجعل بامره اصباح
والله جعل وصل وكذلك تفاريق=والله جعل فرحه وضدٍ لها صياح
مايشيل حمل الا الجمال المطاليق=والا ضعيف الحيل مثبوور لوطاح
اما انت حرٍ فوق روس الشواهيق=تشرب سحاب وتترك القاع ضحضاح
هذا مرووور ولك من القلب تصفيق=هيضتني والرد لامثالك ارباح