في هالزمن ياكثر ماقيل رجال = بالقول ولا بالفعل ماتشوفه
والفعل كايد بس منهو بيشتال=ياكود رجلٍ كالجبل في وقوفه
ماهو بخبلٍ بالسواليف يختال =لاشفت فعله فالصعايب تعوفه
لو المراجل بالخثاريق تنطال = كان النساء فيها رجال امعروفه
والمرجله ماهي بتجميع الاموال = وياكم تاجر مايحشم ضيوفه
هذي حقايق شاعرٍ شاف الاهوال = في دنيته وياكم صعبٍ يطوفه
واخر كلامي بيت مضرب ل الامثال = ودي بكل الناس تاقف تشوفه
المرجله بالدين ماهي بالاقوال = والدين وضح كل شي بوصوفه

المشاركة الأصلية كتبت بواسطة القيصر (المشاركة 307223) اخوي الغالي والشاعر المبدع فهد حمود البيضاني صح لسانك صح لسانك قصيده جزله تحمل كل معاني الابداع والجمال بيض الله وجهك وعسى عمرك طويل يابن العم ونتمنى ان تتحفنا بقصائدك وابداعاتك الشعريه القيمه