ملتقى قبيلة حرب الرسمي


	الشاعر / علي الحصني القاف سقته كما العـادة بمعنـى ثقيـل=اثقل من طويق واثقل من جبـال الهـدا روابعٍ بالحشـى قامـت تحـط وتشيـل=قامت تصول وتجول وجوهـا مـا هـدا ومن الهواجيس قلبي صار ميدان خيـل=الا انتهى شـوط الشـوط الاخـر بـدا ميدان للحصن كل حصان يصهل صهيـل=بين الظلـوع المحانـي للخيـول معـدا همٍ يشـد الرحـال وهـمٍ تـوه نزيـل=كثرة همومـي ولكـن ملحقتنـي مـدا لو يكثر الهم كشف اسرارنـا مستحيـل=وش عاد لو كان كثرنا الغنـاء والحـدا الا على راعي الميقـاف زبـن الدخيـل=اللي ليا كبـرت القـالات عنهـا حـدا والا انا اوجه كلامـي للرفيـق الزميـل=اعطيته العلـم رمـز ويعتبـر مشهـدا حيثه محنك ولا جاهـل ولا هـو هبيـل=وفوق الجبال الرواسي صار له مصعـدا والحر مثلك مواكيـره بـراس الطويـل=تندا من الطيـب كفـه والـردي مانـدا يا سعود محدٍ كفل ميل الدهـر لا يميـل=ولا كل من يطلب النجـده يحصـل جـدا صحيح قول المثل محـدٍ يخـدم البخيـل=والهرج بالهمس يا رجـال مالـه صـدا صحيح وقتٍ تغير واصبح الـراس ذيـل=وبعض العرب لو يسوي طيب يلقـى ردا يا معرب المنسبيـن الله يرحـم سبيـل=يقول وش خانت المعروف كانـه غـدا رد الشاعر - سعود بن صالح الحصني يا مرحبا بالرساله عـد بـرق المخيـل=من مدلهمٍ من اصبحنا وهـو لـه سـدا برسالةٍ مـن دليلـه مـا يـدور دليـل=ما هو من اللي اليا ساق القوافـي غـدا اليا وقف موقفـه بيـن البرايـا نبيـل=العارف اللـي بـدرب العارفيـن اقتـدا والعارفة يا علي ما عاد يبغـى تعديـل=وحنا ترانا لكـم وقـت اللـزوم عظـدا لو كانت رسالتك قدمي تقـل حـد ليـل=وحطن الافكار في صدري لهـن منتـدا حسيت في وسط قلبي مثل قـدح الفتيـل=من الرسالة وشكواهـا وصـوت النـدا حيث الندى من علي ذباح للضيف حيـل=يقول همه بصـدره والهجـوس تحـدا سون بقلبه لك الله مثل جـرح المسيـل=وهجرس وغنى ويمـي بالمثايـل شـدا وان كان همك من الدنيا مواجهـك ميـل=جميع مملك لعينـك يابـن عمـي فـدا وان كانها ضدةٍ من نـاس فانـا القبيـل=انا اسنادك بحـال الـى طلبـت اسنـدا وان كانها من هروج منفضيـن الزبيـل=اللي على غـرت الغافـل تسـوي غـدا ارفع مقامك عن العـي البخيـل الذليـل=الحر يشهر جناحه كـان شـاف ازهـدا العوشزه ما ذكـر للحـر فيهـا مقيـل=لا تصير عرضه لهرج الناس عيل وقـدا اليا صار ما انته بحاجة نا كرين الجميل=خلـك بحالـك ولا ترقـب بزلـة حـدا ذي دبرة الله بخلقه به هزيـل وجزيـل=ولولا اختلاف البشر ما صار طيب وردا والا ترى راعي المعروف سيفه صقيـل=لابـد يظهـر لمعروفـه وطيبـه صـدا ومن يفعل الطيب والمعروف ما هو هزيل=الله وخلقه اليـا جالـه مجـال اشهـدا وهذا كلام الحقيقه مثـل يـوم الرحيـل=الله هو اللي على درب الصـواب يهـدا