ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - درب النقاء (http://www.m-harb.net/vb/showthread.php?t=27134)

درب النقاء

قصيدة اتمنى ان تنال على رضاء الجميع

امشي على درب النقاء وين مارحت=واتبعـك ياكـل الـدروب الشريفـه
ولكل واحـد لـه الاسـرار بيحـت=سـري مكانـه بالقلـوب النظيفـه
اللي بهـا الدنيـا صداقتهـم ربحـت=خوة وفـاء مثـل الوليـف لوليفـه
ولامرةٍ وسـط المجالـس تبجحـت=ارفع لسانـي عـن علـومٍ خفيفـه
ومايوم عند الناس دجـت وتبطحـت=اعـز نفسـي لـو ظروفـي كليفـه
وإليا احتمى الموقف وللشر نطحـت=ضرباتي في صدر المعـادي عنيفـه
ومن دون ربعي مايجي يومٍ وشحـت=انا لهـم فـي كـل موقـف خليفـه
ومدامني عن حق غيـري تريحـت=ولاأحـدٍ يطالبنـي بلقمـة رغيفـه
انا اشهد إني صرت مرتاح وارتحـت=ورزفي على محي العظـام الرفيفـه
ومن خوة اهل الطيب انا فزت وافلحت=متقاسميـن المرجلـه بالنصيـفـه
هذا وانا عن سلم الاجـواد مازحـت=لاشك انا اعشق كل حاجـه شريفـه

ياسلام يا احمد صح السان ونعم يا بن (((الدويله)))

صح لسانك على هذه القصيد الجزله
جزله من جزل
لاهنت
تقبل مروري بود

صح لسانك ..
..
أسجل اعجابي بالقصيدة
..
ويعطيك العافيه ..


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

اقتباس:

المشاركة الأصلية كتبت بواسطة خالدفهدالحربي (المشاركة 303110)

ياسلام يا احمد صح السان ونعم يا بن (((الدويله)))

هلابك اخي ابو فهد
وصح بدنك
وانا واحمد كلنا واحد

صح لسانك اخوي فارس
قصيده تحتوي على معاني نبيله طيبه من ذات يحتوي ذلك0
تقبل مروري وجل تقديري

صح لسانك يافارس قصيده جميله وبانتظار الجديد

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .

تحياتي