اليوم هاض الشعر فيّـا وجريـت=خط القلم بحروف فكر وهواجيـس
بكتب ما دام إن الكتابه لها صيـت=لعلنا نرضي قروم(ن) ... قرانيس
بوفي لهم في يوم نـادوا ولبيـت=ابن خير الله والنويمـي قوابيـس
ولا يهون كل اللي لهم قدر وابديت=من قدرهم جود المعاني نواميـس
يا ربع حرب فيكم الجود له بيـت=مبني على ساس الجدود الاشاويس
قبيلة(ن) فيها الوفى لا تهقويت=يشهدلها التاريخ يـوم المعابيـس
وانا اتشرف بالصداقه ليـا جيـت=ناس(ن) تعز ضيوفها فالمجاليـس
في مجلس(ن) والبن حلو المنابيت=توه على شباب نـار المحاميـس
ناخذ علوم رجال عـز الطواريـت=ما تقبل الهرجه فوسط الدنافيـس
صدق وشهامه مع شوية تناكيـت=حتى الصغير يا خذ العلم لا قيـس
والشاهد الله إني لو قلت ما اوفيت=في مدحكم حروف مدحي مفاليس
والله يديم العز عـز(ن) وتثبيـت=لهل المكاسب من خصال المنافيس
وصلاة ربي اعداد من طاف بالبيت=على النبي صلاتكم يا الفواريـس