هذه الأبيات من أواخر ما كتبت
أتمنى أن تجد القبول
في قلوبكم

ياحي هاكا الضيا اللي يضحك حجاجه=اللي يشعشع معي من وين ما اوجه
تبقى بقلبي وعيدي لحظة مواجه=مع غرة أول ليالي عشر ذي الحجه
ياصبح عمري بليلٍ طافي سراجه=يا نوةٍ كفت الماطر عن العجه
رذرذ على القلب من ديم الغلا فاجه=احي العروق اليباس وعالج السجه
الشعر ما اغليت لعبونه ومجماجه=إلاَ على شان علمٍ يدحض الحجه
كلٍ وله في محيط الشعر منهاجه=خطوات معتدله وخطوات معوجه
لو مرسل الدمع مست روحه الحاجه=ما باح سده ولو منتوجه الدجه
اكفكف الدمع وادوي مع تلجلاجه=بين المعاليق اكن الغيظ وآمجه
لو صاب غيري ما صاب القلب وخلاجه=شفت العقول الرزينه ليه مرتجه

المشاركة الأصلية كتبت بواسطة جساس (المشاركة 254949) لو صاب غيري ما صاب القلب وخلاجه= شفت العقـول الرزينـه ليـه مرتجـه ياسلام عليك صح لسانك وعلا شانك

الأخ الشاعر / جساس

صح بدنك واسعدتني بمرورك واطلاعك

تحياتي لقلبك قبل قلمك

المشاركة الأصلية كتبت بواسطة أحمد بن ناحل (المشاركة 254986) الله أكبر عذبة إلى أبعد مدى هالقصيدة ولاقدرت أميز بيت عن غيره صح لسانك ياعلي وبيض الله وجهك ودمت ودام لنا حضورك وابداعك تحياتي لك....,

الأخ الشاعر العذب/ أحمد بن ناحل

أشكرك من الأعماق على كل حرف مضيئ كتبته

وأحيي فيك روح التشجيع المستمر لي فأنا أعتبر نفسي تلميذ أمام اساتذه

في الشعر وأنت منهم

تحياتي وتقديري لك

المشاركة الأصلية كتبت بواسطة سلطان الغيداني (المشاركة 255017) صح لسانك .. الابداع غير مستغرب منك .. واعتبر شهادتي فيك مجروحة .. بارك الله فيك ..

الاخ العزبز/ سلطان الغيداني

صح بدنك يالغالي وتواجدك في هذا المتصفح بحد ذاته شرف لي

دمت كما انت مثال للذوق الرفيع

تحياتي لك