انا ازرع الود واسََقِّيه=ارعاه وادراه واصونه
ومن الخطر احرسه واحميه=واضحي بالروح من دونه

انته زرعته وباخص فيه=عارف وش هم يكنونه
واحذر حذاري ياقاريه=واجد لقينا يخونونه

من صان زرعه جنا تاليه=وبازهارها تثمر غصونه
والقلب قبل الروى يرويه=ويقطف جنا الود وفنونه

يامرحبا بالذي نغليه=اللي الهوى حرك شجونه
يستاذ لحنك وما تبديه=اثر على النفس مضمونه

المشاركة الأصلية كتبت بواسطة البحار خالد (المشاركة 247218) اخي الحبيب الجرح بيض الله وجهك وماعليك زود. اخي الحبيب حسين المعمري صح لسانك وسلم بنانك وبيض الله وجهك استاذي الكبير ابو محمد ياسلام على حلو الكلام لين يخرج من عملاق مثلك نأخذ منه العبر ونتعلم منه دروس فن وصياغة القاف .. ادامك الله وحفظك ورعاك لملتقانا الحبيب .. وإليك:ـ يامرحبا بالذي نغليه=اللي الهوى حرك شجونه يستاذ لحنك وما تبديه=اثر على النفس مضمونه

لو ما الهوى طاب لك طاريه=من لوعة الود وفتونه
ما يطرب القلب من مشقيه=باوصاف غصنه وليمونه