ياطـول يـوم العيـد وانتـي بعـيـده= اطول من الغربة على قلب مشتـاق
عيـدٍ بـدونـك خالـقـي مايعـيـده= وش عاد ابي بالعيد يابرد الاعماق
كنك من أسباب الجفا مستفيده = وكن الهوى مايعترف بأي ميثاق
وكـن التهانـي مـن همومـه تـزيـده= قلبٍ اذا منه ذكر غيبتـك ضـاق
أنتـي هــواه وذكريـاتـه وعـيـده= وانتي حياته وامنياتـه والاشـواق
لو ماانتي اغلى من سكن فـي وريـده= ماكان قال العيـد ماعـاد ينطـاق
يالمتعبة . . يالمترفة . . يالفريده = الله عطاك مع الحلا زين الاخلاق
وعطاك خل ٍ يرسمك في جديده = شمس الشموس الفاتنه وقت الاشراق
كتبـت لـك مـن دم قلبـي قصـيـده= حتى بكت من حزنها بيض الاوراق
عساك في عيـدك مـع اهلـك سعيـده= وانا لي اللي في يده حكـم الارزاق
رب خلقنـا واصبـح الامــر بـيـده= وقدّر نكون بعالم الحب عشـااااااق