جتـنـي تعاهـدنـي وأنــا كـنـت محـتـار=دام الثـقـل طـبـعـي عـسـاهـا تجـيـنـي
قالـت لـي.. فجـأه وقتنـا صـار غــدار=خلّـى دمـوع الـبـؤس تـجـري بعيـنـي
كنـت أحسـب الدنيـا لعبـةٍ بيـن شطـار=تاهـت بـي الخـطـوة وتـاهـت سنيـنـي
قلت اصبري ياحب وش فيك وش دار=قـالـت أمـانـه أنت اسـمــع حنـيـنـي
مـابـي كـــلام مـنــك يكـفـيـك أعـــذار=جيـتـك بـعـذر الـحــب خـالــط أنـيـنـي
مشـيـت انــا بالـوقـت واتقـنـت ادوار=ودور البطـولـة ضــاع بيـنـك وبيـنـي
جيتـك بقلـب يحـب واعصـاب تنـهـار=اذا فـــؤادك صـــد عــايــف يـديـنــي
قلـت استغفـر الله كـان علـقـت انــذار=واتــوب تـوبـة عـشـق كـانـك تبيـنـي
انـا بصراحـه شخـص جربـت امــرار=ومــن علـقـم الدنـيـا تعـبـت وخذيـنـي
صـحـيـح عـنــدي شــــك لازال دوار=بـالـوضـع إجـمــالاً ولـكــن عـطـيـنـي
ميثـاق مـنـك وأنــا اعطـيـك اعـصـار=من عشـق لإجرامـك تعالـي اسجنينـي
وفــي عـالـم العـشـاق اثـنـيـن فـجــار=واحـد نـسـي نفـسـه وواحــد نسيـنـي
كــانــت بـدايـتـنـا تـراتـيــل أذكـــــار=وأحلـى رجـوع اليـوم بـس احتويـنـي
مابي دفـى غيـرك ولـو كـان مـن نـار=أنـتـي لـوحـدك بــس لـــو تحرقـيـنـي
وأنـا غيـور بـصـدق.. انـسـان وآغــار=ويشـهـد علـيـه الله بـــس صدقـيـنـي
لفـيـت بالدنـيـا وأنـــا حمــت أقـطــار=لكـنـك أنـتـي غييييـيـر لا تحرجـيـنـي
يابنت بأنسى وعـد.. كـل الـذي صـار=وهاتـي يدينـك فــي حـشـاك ادفنيـنـي