بنت الهوا
 

يامدرج الضلع على شاطي النيل
العام يوم الوضع ماهو طبيعي

جود نصاب السيف في عتمة الليل
وعليك باللي يحفظون الصنيعي

بنت الهوا تبكي على الجدي وسهيل
وتقول مابه حب بعد الوليعي

ودي بمسح دموعها بالمناديل
بين النفود وبين واد النقيعي

لكن ماليه عليها مداخيل
ولاني عليها يالعوارف وديعي

صح لسانك قصيده رايعه وتحدثت عن حب تاريخي
ودي بمسح دموعهاباالمناديل
بين النفود وبين واد النقيعي
بيت جميل جدا

صح بدنك اخي محمد
شرفني مرورك

صح لسانك مليون على القصيده

صحة ابدانكم ومروركم
شرف لي

لاهنت وصح السانك

تقبل التقدير والاحترام

وفقك الله