ملتقى قبيلة حرب الرسمي - 2519وين انت يالي تقول الشعر وتجاري محلول من قبل ابوفيصل صح لسانه

ملتقى قبيلة حرب الرسمي (http://www.m-harb.net/vb/index.php)

- مـلـتـقـى الالــغــاز الـشـعــبــيــة (http://www.m-harb.net/vb/forumdisplay.php?f=151)

2519وين انت يالي تقول الشعر وتجاري محلول من قبل ابوفيصل صح لسانه

بسم الله الرحمن الرحيم

السلام عليكم ورحمة الله وبركاته

دورت لغزٍ يشد البال طاروقه = وين انت يالي تقول الشعر وتجاري
ياويش عذرى رفيعة شان مرموقه = تنفعك لاصرت في دنياك محتاري
تعطيك علمٍ يسر العقل منطوقه = وتجيك من واحدٍ قطاع الاثاري

8
8

عليكم السلام ورحمة الله وبركاته

صح لساانك يابوهليل بيض الله جهك

يشرفني أني أول من يشارك في هذا اللغز الرائع

اتوقع الحكمه اللي تقول ( الحكمة ضالة المؤمن )

وكذلك من عرض ماقيل ( خذ الحكمة من أفواه المجانين ) حسب مفهومي للشطر الاخير

8
8

يامرحبا ياخبير الشعر وطروقه =ياشاعرٍ يبدع الالغاز من ضاري
الحل مثل الفقع واللغز رقروقه =مايبعد اللغز عن حله وانا داري
الحكمه هي ضالّة المؤمن وماثوقَه =ولاّ ترى البحث والتفكير به جاري

وعليكم السلام ورحمة الله وبركاته

الله الله

صح لسانك أخوي أبوهليل

وأرجوا أن تكونوا جميعا بخير

وآييد رمعه أخوي أبوفيصل ( الحكمه )

ويمكن البوصله ^__^ مع إنها بعيده

عليكم السلام ورحمة الله وبركاته

صح لساانك يابوهليل على اللغز و بيض الله جهك

رمعة ابوفيصل طيبه لكن بثني عليها ونقول

الفراسه

صح السانك يابو هليل على اللغز الرائع بيض الله وجهك,

تأييد %×% لرمعة أخي الغالي بوفيصل

( خذ الحكمة من أفواه المجانين)

اقتباس:

المشاركة الأصلية كتبت بواسطة أبوفيصل (المشاركة 1398731)

يامرحبا ياخبير الشعر وطروقه =ياشاعرٍ يبدع الالغاز من ضاري
الحل مثل الفقع واللغز رقروقه =مايبعد اللغز عن حله وانا داري
هي ضالّة المؤمن الحكمه وماثوقه =ولاّ ترى البحث والتفكير به جاري

[size="5"]صح لسانك يابوفيصل بيض الله وجهك
الاجابه صحيحه (الحكمه):076::076:

تدوم ماهل مزنن لاحت بروقه =ياشاعرٍ لحن شعره يجذب الساري
الغز يابن العطاوي لاغلي سوقه= يمك نلد النضر ونقول ياشاري
عز الله انك قشعت الغز بعروقه = بكره يجيكم شقيقه ياخذ الثاري

]

صح إلسانك من نظم اللغز ولسان من حله

اقتباس:

المشاركة الأصلية كتبت بواسطة سمو داعية (المشاركة 1398732)

ياهلا ياسمو صح بدنك لاهنتي مشكوره

والغز راح عند ابوفيصل صح لسانك ولسانه

اقتباس:

المشاركة الأصلية كتبت بواسطة علي الزهراني (المشاركة 1398733)

ياهلا يابوحسن صح بدنك لاهنت مشكور

ومثل ماتوقعت الغز راح عند ابوفيصل صح لسانك ولسانه

اقتباس:

المشاركة الأصلية كتبت بواسطة ابوفهد الحربي (المشاركة 1398736)

ياهلا يابوفهد صح بدنك لاهنت مشكور

ومثل ماتوقعت الغز راح عند ابوفيصل صح لسانك ولسانه