الشعر مايعشق يكود الجزيلات = ومواقفن ماكل رجلايقفها
ترفع مقام الشعرهامات هامات =وترفع مقام الشاعر الي صرفها
الله يبيض وجه راع المهمات = محمد الي كل جزله قطفها
جازف بعمره ماحسب للملذات= من شان ابوه يعيش روحه خذفها
ضرب بفعله سابع المستحيلات= وفاء لابوه وكلوتينه نصفها
وبوه شيخا ضارين للثقيلات= من الشيوخ الي تحقق هدفها
منصا لربعه فالسنين القديمات= وفي حاضر الامجاد طيبه كنفها
قبيلة مذكورتا بالحموات = يشهد لها التاريخ والي عرفها
منهم نمر راع الفعول الصعيبات = من دون حرب وكل صعبه عسفها
هذا ونا من قوم وافين بالذات = ماهمهم شح السنين وصلفها
قبيلة وقت الغزو والمجاعات = الجاريامنها ويسكن طرفها
وقلته ونا ماني مدور مجازات = ونفسي عن التقصير تبدي اسفها