اليوم قلتو لي ترى باكر الصوم = ومن عقب كم ساعه تقولون لالا
لاوين وإذاعة يقولون هاليوم = ماعندهم تدقيق فاللي يقالا
لاتخبرون الناس من شي معدوم = وفالسماء مابان شوف الهلالا
انا بعد ماجاني العلم ياقوم = هنيت جيراني ورحت البقالا
شريت لحمه وكيكه وحلقوم = من خوف بكره مايجيني مجالا
وعزمت جيراني على قن وسلوم = اهل الوفا واهل الكرم والجمالا
ومنيتهم بسحور كايف ومنظوم = والبن الاشقر وسط صفر الدلالا
لكن حسافه فرحتي كنها حلوم = جتني وراحت مثل برقن تلالا
ليت السفاره تفتهم منهج العوم = وتبحر كما تبحر سفينه صلالا
ويعلمومنا وقت نقدر به نصوم = ومتى كذلك مانحصل سهالا
وشلون ندري والسماء كلها غيوم = من حيث مالقيت وانه خيالا
عند اليهود امطار ماتنقطع دوم = سبحان من وزع دقاق وجلالا
وكلن من العربان لابد مقسوم = لو حاربوني بالسيوف الصقالا
ولله فوادي من عنا البعد مهموم = يانيوزيلندا مانبي لك ريالا
روفو على قلبن من الدار محروم = ماهو بناسي مكرمين السبالا