1936.. وان حل منها عقدها بطل لها مفعولها..محلول من قبل ابوهليل
 

السلام عليكم ورحمة الله وبركاته :

إليكم هذا اللغز المتواضع عسى أن ينال رضاكم.

ويـش الفـتـاه اللي تعـز وتـكـرما = بــيـــديـن رجــلٍ عــقـدهــا وحــلـولــهـا

كـانـه عـقـدهــا حـللـت لمحـرما = وان حل منها عـقـدها بطل لها مفعولها

..وللجميع تحياتي..

وعليكم السلام ورحمة الله وبركاته

هذي مشاركة أكثر منها حل

أتمنى تنال رضاك

أنا ما لي علاقة بالبنات ومثلك يكرما=ياسبحانه سباحينه ياقصرها ياطولها
وما رميت اذا رميت لكن الله رما=وانا مدري لذلحينه اقول او ما اقولها

دمتم جميعاً بخير

^
^

رمعه مافيها كلام لكن ممكن اسحب رمعتي :)

ننتظر الرد من الصتيمه

ابو عبدالله
صح لسانك على اللغز وبيض الله وجهك
جاري التفكير

وعليكم السلام ورحمة الله وبركاته :
أخي العزيز خليجي نت صح الله بدنك ولسانك
وأشكرك على مرورك المشرف وانت كلك شرف
والرمعه ما لك لوا. ولك تحياتي.

وعليكم السلام ورحمة الله وبركاته :

أستاذنا لقدير ابوهليل أسعد الله جميع أوقاتك بكل خير
وصح الله لسانك ملايين والحل كما تفضلت( وثيقة الزواج- الملكه)
وحل عقدها الطلاق الله يبعده عنا وياكم والشكر موصول للأخ العزيز
خليجي نت ويعتبر مشارك بنفس الرمعه حسب رمعته الثانيه وبصراحه
يابو هليل انت وخليجي نت ما الله جاب لكم ضيوف يغيبونكم البارحه
عن ها الغز يتهنى الله يسامحكم على ها الذبح لا الألغاز حتى ذبحكم
ماهويم القبله وكيد مابها تسميه مدامكم ماتقبلونه ولكم مني جزيل
الشكروتقبلوا وافرتحياتي واحترامي...

السلام عليكم ورحمة الله وبركاته :
الأخ العزيزابو ناجي أهلاً بك وبمرورك المشرف وصح لسانك
واشكرك جزيل الشكر على تواجدك ومرورك على اللغز
شرف شرفك الله بالعافيه والغز تم حله من ابوهليل ولك
مني جزيل الأحترام والتقدير...

هههههههه عاش المصرف الدولي للحلول.
لكن أبوهليل أنا أول مرة أدري إنه يحل الغاز
لكن بعد غاب المحيط .. والله مالها ألا أنت
الله يبيض وجيهكم وصح السنتكم..
منتظرك مع الغاز جزله كالعاده يالصتيمه :)