*عمار الاحمدي =
سلام ياروح تشقينا = فالبعد والبعد ماينطاق
خابرك صدرك كما المينا = وش الذي جاه حتى ضاق
(عماد القرافي =
ترحيب فاللي يواسينا = اللي كما حزة الاشراق
يجلي الظلام الذي فينا = وفغيبته كلنا اشواق
*عمار الاحمدي =
فالمشتكى ابغاك تفتينا = وانا لباب العتب طراق
ياصاحبي دام تغلينا = ليه القلم فارق الاوراق ؟
( عماد القرافي =
ماهي ترى من مبادينا = اجازي وصالكم بفراق
لكنها ظروف تنهينا = عن كل ماكنت له تواق
* عمار الاحمدي =
يفرجها ربك ويكفينا = من دنيتن شرها ينساق
وتعود تسعد ليالينا = ياحرف عالي السماء خفاق

يـفـرجـهـا ربـــــك ويـكـفـيـنـا مــن دنيـتـن شـرهـا ينـسـاق

صحت السنتكم وبيض الله وجيهكم
ابدااااع لاعدمناكم
لكم مني اجمل التحاياا واعذبها

صح لسانك ولسان الشاعر العذب عماد القرافي

وتسلم على هذه الروح أدامها الله وكتبها في موازين حسناتك

وعافاك الله ورعاك