يابو شفاف توت من قبـل لامـوت=علمني كان الحـب ذنـب وخطيـه
مشتاقلك والشوق بصـدر مكبـوت=واخاف طول الصبر يقضـي عليـه
وناديتلك بامـوت ذوقنـي التـوت=للحين ماسجلـت حـرف الوصيـه
وجاوبتني في البحر مايغرق الحوت=ومتقـدم النحلـه عسلهـا هـديـه
وانا معك غرقان واصيـح بصـوت=ودي يدينـك تنشبـك فـي يـديـه
عاشق مثل العواجـي معـا نـوت=ومثل الملوح في هـواء العامريـه
واعرفك باغينـي ولاكـن بسكـوت=الصمت خيـم ع الشفـات النديـه
ودام المشاعر ساكنه وسط تابـوت=الله يعـوض ع الرجـل والبنـيـه
العمر يمضي وكلها ايـام وتفـوت=احـلا سنينـك يالزهـور الزكيـه
ونندم على ليله بها الوقـت مفلـوت=بالعيـن نتعانـق واديـنـا بـريـه
وانتي سحر عينك مثل سحر هاروت=لحضة تعانقنـي دموعـي ضحيـه
لحضه بها غنيت ياصاحبـي بيـوت=مقدرت اميـز بيـن حسنـه وسيـئه
لاكن قبل ماموت والشوق مكبـوت=ودي بضمـك ضـمـة الجاهلـيـه

المشاركة الأصلية كتبت بواسطة بدرالهبيري (المشاركة 1255076) الله اكبر يابدر .. صح لسانك على هالقصيده الجزله والمتناسقه والعذبه .. قصيده مطلعها مدهش وقفلتها مدهشه وتشبع الذائقه .. ولا أزال اقول نطمح منك بالاجمل فأنت قادر على الابداع..

المشاركة الأصلية كتبت بواسطة سعد المحمدي (المشاركة 1255088) الشاعر بدر المزيني صح لسانك

المشاركة الأصلية كتبت بواسطة رابح الجحدلي (المشاركة 1255100) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة فهد ابن غانم (المشاركة 1255457) صح الله لسانك ولاهنت وسلم فكرك وبنانك دمت برعاية الله وحفظة