أسير الغرام=

ساعي سعى يتبع وكوبه=ونجوم تقداه للمقصود
تصافقت ريح في دروبه=ونَوْ خارج عن المعهود
وموج البحر زاد منسوبه=في عمق ما تحتويه فدود
نجمه تهاوى به غيوبه= وحاجب حجب وكبه المرصود
حال الخطر جاش مندوبه = ضاع الهدف في بحر ومهود
احتار وازداد في نشوبه=من يسلم أقرب له المفقود

أمير الكسرة .. ناصر الحجوري=

منهو بغى وكب محبوبه = يلقى في طريقه عنا وزهود
الدرب مايأمن حروبه= لو شد في حبله المشدود
لو غثبر النهر مشروبه =اللي عليه العطاشا ورود
تلقى الأنا سر غثروبه = وفالعمق فد الأنا موجود
الوكب يامعاصر لعوبه = يأسف على حاله المردود
القن والفن واسلوبه = ماضي مع اللي مضى مايعود

أسير الغرام=

رغم السعو مال لغروبه=خوفي عليه الظلام يسود
واضح لنا زاد في شحوبه= طاح الورق .. لا يجف العود
ما يصير نغضي عن عيوبه =نرى لها كل يوم مدود
ياليتنا نجلي كروبه= نبذل لهذا الأمر مجهود
نهج الأنا نضد مكروبه= لاجله مرض خالف المعهود
ونقضي على كل ما يشوبه= من غثبرة حاسته وركود
نطالب بكل مسلوبه=لا يصير ضمن الزمن موؤود
ويعاد له جم منضوبه= يصبح لكل الورود عدود

ناصر الحجوري=

لاّ لمتّ لاّ تلوم شيشوبه = اللي رقى بالمعاني سنود
لومك على اللي ابتداء دوبه = وخلا ليالي المعاني سود
فضوا من حروفنا جيبوبه =ومن الفلس عكوا المجرود
وعزيزنا كان مطلوبه = مانحط في معصميه قيود

ويا أصحابنا سامحونااااا =