تعنيت للعارض لداعي ذوي خربوش=رجال(ن) تشرفني ومثلي يشرفها
تعنيت له طارش وغيري الرجال طروش= وذي فرصت(ن) ماودي اني اطوفها
سلامي عليكم عد ماهل وبل ارشوش= واخص بسلامي من تحمل كلايفها
واثني على الحفله من الخاطر البشوش= من شيوخ ورجال(ن) كبار(ن) وضايفها
واسلم على الجمهور واهل المقام تشوش= وتفرح بلابتها وتشكر تكاتفها
اهلهم رجال عبيد لاحرك الناتوش=على صفحة التاريخ تعرف مواقفها
مواقف بطوله في نهار(ن) يسود الهوش=نجيب البيوت الي سلفها مكانفها
تحت بيرق ابن سعود كل ابلج(ن) مدغوش=ليا فتش التاريخ بيض(ن) صحايفها
واهل ناقت(ن) وضحاء تقيم خيار البوش= واهل مهرة(ن) نصر القبيله محالفها
واهل مجلس(ن) من غالي المتجر مفروش= وحسن النباء اويكرم الضيف برففها

المشاركة الأصلية كتبت بواسطة فايزموسى البشري (المشاركة 1226619) صح لسانك يالمطوع بارك الله فيك

المشاركة الأصلية كتبت بواسطة رابح الجحدلي (المشاركة 1226630) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1226770) المطوع صح الله لسانك وعتلا شانك وذوي خربوش يستاهلون اللي يعنا لهم

المشاركة الأصلية كتبت بواسطة ابونـــــوره (المشاركة 1226854) صح فكرك وقلبك ولسانك