خالـد بـن عبيـد الاحمـدي=
عنّدي ثقـه فيـك ياضرغـام=انّــك تـوفّـي مطاليـبـي
واللي مخاويـك يابواحسـام=امحـال بيقـول وآشيـبـي
عبدالرحمن مسعد الاحمـدي=
اللي نصانـي محـال يضـام=يامرحـبـا وزود ترحيـبـي
أبشر بعـزّك علـى مايـرام=إن عشت ياخـوي ماتخيبـي
خالـد بـن عبيـد الاحمـدي =
تبقى كفو لـك طبـاع اكـرام=راعـي وفـا فالمواجيـبـي
والعلم مايجيـك خـطّ اقـلام=واقـراه مـن دون تكذيبـي
عبدالرحمن بن مسعد الاحمدي=
والله لـوّ العلـوم أجـسـام=لادوّر الـحـل وآجـيـبـي
مـادام حنـّا عيـال أعمـام=تلقـى معـي كامـل الطيبـي
خالـد بـن عبيـد الاحمـدي =
سوء التفاهم لاجـرّ اخصـام=ماكـل مصلـح بـه ايثيبـي
ابـذل بجـاهـك ولاتـنـلام=شقر العصى صعب ومعيبـي
عبدالرحمن مسعد الاحمـدي=
عطنا القضيـة بكـل إحكـام=وحضَر لنا الخصـم لايغيبـي
في منهـج الحـق والاسـلام=نبعد عـن الشـك والريبـي
خالـد بـن عبيـد الاحمـدي =
مبغاه يظهـر علـى الاعـلام=العلـم والـنـاس تدريـبـي
لنّـه ولـو مذكـر الاخصـام=ماهو علـى مثلـك اصعيبـي
عبدالرحمن بن مسعد الاحمدي=
معـدود مـن جملـة الفهـّام=لاتطلـب الحكـم تقريـبـي
لو أصـدر الحكـم بالأوهـام=مافيـه عـاقـل بيشقيـبـي
خالـد بـن عبيـد الاحمـدي =
ختمتهـا يارفـيـع امـقـام=فـي راي للعاقـل امصيبـي
وان كان شفتك مـع الايـام=هرجـي يوضّـح مكاتيـبـي