للشعر في فكـر المطاليـق ميـدان = يشوش له راسي وفكـري يجيبـه
يشتاق لي واشتاق له كل الأحيـان = هو طـب قلبـي لأتنكـر طبيبـه
وسرجت له من خيل فكري كحيلان = اللي سجله مـا كتـب بـه غليبـه
دايم وهوفي ساحة المجـد كسبـان = ومتوجـا راعيـه عـزا وهيـبـة
ياساحة الشعـار مانـي بحيـران = وافكار شعري با لمعاني خصيبـه
اتعب على قطف التماثيـل بإتقـان = وآقـدره قـدر الحبيـب لحبيـبـه
وآرجَحه بالطيب في كـل ميـزان = ياليـن يرجـح بالموازيـن طيبـه
وليا غدى قلبي مـن الهـم مليـان = جريت مسحوبه وقمـت اعتزيبـه
وجتني جزيلاته على كـل الاوزان = يطرب لها قلبـي وتطفي لهيبه
ومادام ربعي حرب ماني بخسـران = قبيلـةٍ صبيَـهـا عــن كتيـبـه
حربٍ لياعدوا هل الفعـل فرسـان = كم طامعا بإبلـه وربعـه اغديبـه
سطر لها التاريخ بالمجـد عنـوان = وفعلا ينومـس كـل مـا ينحكيبـه
وخوينـا معنا على مر الازمان = وبرواحنـا نفديـه ماهـي غريبـه
وقصة نويشي للخوي خير برهـان = قضى على ستـه ويمنـى قريبـه
ودخيل لجله سلم الـروح رحمـان = ينزف وفاء قبره ويسلـم صحيبـه
امـانـةٍ ماتنتـقـدر بالاثـمـان = ويش اكبر من القبر فوقـه نصيبـه
وحجرف ليا عدو هل الجود له شان = خل الكرم يمشي معـه بالغصيبـه
ولايهون ابن ناحل وماجور ومعان = لو ماكسب يعطـي وربـه يثيبـه
واليوم بندر فك للخير بيبان = من دون خالد لين خلص طليبه
وقفت حمول الخيل والسيف فسقان = اخوان حسنا والاصول العريبه
ونخى الحويفي حرب ياحرب الاكوان = وتقدم الي بالنخا وي مجيبه
ابن نحيت وفزعته تقضي الشان = بحر المكارم كل فخر يغديبه
اشيوخنا دايم لنا درع وامان = في سلم ولافي حلول المصيبه
وكل القبايل والنعم ربـع واخـوان = وياسعد من صار النعم من نصيبـه
هذي درر شاعر من آلاد شامـان = يختـار مـن جزلاتـه ويعتنيبـه
جمَلتها بالجزل مـن دون نقصـان = وعديتها لأهـل الفعـول النجيبـة

المشاركة الأصلية كتبت بواسطة فهد هليل الشاماني (المشاركة 1176881) للشعر في فكر المطاليق ميدان = يشوش له راسي وفكري يجيبه يشتاق لي واشتاق له كل الأحيان = هو طب قلبي لأتنكر طبيبه وسرجت له من خيل فكري كحيلان = اللي سجله ما كتب به غليبه دايم وهوفي ساحة المجد كسبان = ومتوجا راعيه عزا وهيبة ياساحة الشعار ماني بحيران = وافكار شعري با لمعاني خصيبه اتعب على قطف التماثيل بإتقان = وآقدره قدر الحبيب لحبيبه وآرجَحه بالطيب في كل ميزان = يالين يرجح بالموازين طيبه هذا صديق العمر في كل الازمان = يفزع ليا كبرت وصارت مصيبه وليا غدى قلبي من الهم مليان = جريت مسحوبه وقمت اعتزيبه وجتني جزيلاته على كل الاوزان = يطرب لها قلبي وتطفي لهيبه ومادام ربعي حرب ماني بخسران = قبيلةٍ صبيَها عن كتيبه حربٍ لياعدوا هل الفعل فرسان = كم طامعا باابله وربعه اغديبه سطر لها التاريخ بالمجد عنوان = وفعلا ينومس كل ما ينحكيبه وخوينا يرقد وحنا له آمان = وبرواحنا نفديه ماهي غريبه وقصة نويشي للخوي خير برهان = قضى على سته ويمنى قريبه ودخيل لجله سلم الروح رحمان = ينزف وفاء قبره ويسلم صحيبه امانةٍ ماتنتقدر بالاثمان =ويش اكبر من القبر فوقه نصيبه وحجرف ليا عدو هل الجود له شان = خل الكرم يمشي معه بالغصيبه ولايهون ابن ناحل وماجور ومعان = لو ماكسب يعطي وربه يثيبه وكل القبايل والنعم ربع واخوان = وياسعد من صار النعم من نصيبه هذي درر شاعر من آلاد شامان = يختار من جزلاته ويعتنيبه جمَلتها بالجزل من دون نقصان = وعديتها لأهل الفعول النجيبة