|
تعال يامضحي تعال
صباح الخير يابو احمد وحياك الله على هالطارووق القصير والسريع
دامك متواجد
تعال يامضحي تعال = العلم بين ومحدود لابارك الله بالجدال = ولابارك الله بالجحود |
اقتباس:
وش الخبر يابن الحلال=اصحيت لك ناسٍ رقود مابه جواب بلا سوال=يالقرم جعلك فالوجود |
لا ماعليك النوم طال = ونوم الضحى ماجا بفود حنا نبي وصل الحبال = والحبل مثني ومعقود |
اقتباس:
يامن عليك الاتكال=الخلق من جودك تجود احفظ مداغيش العيال=اللي عن الجزله تذود |
امين يارب الجلال = تجيب دعوة كل عود وقلوب العرب مثل الزلال= ماتشبه قلوب اليهود |
الشاعرين القديرين
محمد البدراني و مضحي بن جمران صح السنتكم و بيض الله وجيهكم متابعين لمحاورة الضحوية تراها طيبه هههههه |
اقتباس:
امين بس المستحال=ماراح لايمكن يعود
ماهم سوا كل الرجال=به مثلهم وحدٍ يزود |
ماطلبك انا شيٍ مٌحال = ولاقول علم بلا شهود مادليت دلوك باطوال = وانا احسبن مانت بشرود |
اقتباس:
هلا يابو ناصر وغلا وصح بدنك يالقرم وبيض الله وجهك ومتابعتك شرف ونوماس يابو ناصر ومع قهوة الصباح والمشراق مازين من المحاوره ههههه بس خلك بصفي لاعدمناك يابو ناصر تحيتي وتقديري لشخصك الكريم |
صحت الالسن شعارنا الكبار وبيض الله وجيهكم .
|
الساعة الآن 09:37 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir