في وقتنــا شفت العجــب والمتاهات = بعض البــشر يـكره تقول الحقيقه
وأن جـيــتـه مسير يــردد ســلامات = عسى مجيــك خيــر كيـف الطريقه
وأن رحت مـاجيته يا كبر المعانات = في كـل سـاعه يشتكي مـــع دقيقه
يــشره مــع العــالم ويلقي خطابات = يبني علـى كيـــفه ويــصدر وثـيـقه
مـدري وش الـداعي ليـا حط لفات = شانت نفوس البعض صارت غريقه
وأنــا أعتبرهــا في طريقي مطبات = أصفي مــع الصـافي ولامع بريقه
مــاني مكلف في جميـع المحطات = لاشوش الأرســال يـجـحــد صديقه
ولالي علــى درب المـقفي علامات = بقول يــاالمعبــود سهــل طــريقه
مــانـطردالمقفي ونشره على الذات = وراع الوفــا مـافيه شيء يعيقه
دايم على الطــالات يـطوي مسافات = صــافي على النيه وكنك شقيقه
هذا هــو الموجـز على كـل مافات = في حــد علمي مــاتخلى عميقه
ولــوقلت وش بزيد هيهات هيهات = لو كــان قـول الحق محدا يطيقه