نسمع لنا علوم مدري ويش موجبها=ونصد عنها ولاكنا سمعناها
لكن بعض ناس مابه شي يعجبها=لواجتهدنا مانسلم من زراياها
حتى لو نصد عنها ونتجنبها=متفجراتن ينوشنا شظاياها
ناس(ن)على الشيـن متعبتـاً ركايبهـا=لوتضحـك اسنانها سيئه نواياهـا
هـذا يودالعـلـوم وذاك جايبـهـا= ذا شالهـا يــم ذاك وذاك وداهــا
لامصدقلي علوم ولامكذبها=ولاني باادور عليها ولاتحراها
ملاحظاتن مدونها وكاتبها=باسئل هل العرف عنها واخذ ارياها
عندي سؤالات ابغا من يجاوبها=يجوز بعض الجروح احصل دواها
ليه الصلاوات تترك مع رواتبها=ورسول الامه قبل مايموت وصاها
ليه القرايب تسولف في قرايبها= تاكل لحمها حرام وتشرب دماها
ليه الاصاحيب بارت في صحايبها=هل نسيت حقوقها ولا تناساها
ليه اهل العلم ماتفتح مكاتبها=وتفتح سجلاتها للناس تقراها
ليه العرب ماتعلم من تجاربها=حتى انها تستحي ماتكرر اخطاها
ليه اللحا ماتقدرها شواربها=واهل اللحا ماتقدر قيمت الحاها
ليه المحابيل تمسك رجل ناصبها=يسوقه الله عليها لين ياطاها
يقوله الي مع الدنيا مخربها=مايطيعها لوتجيه تمد يمناها
كم علقتن قد شربها من سبايبها=يالين سوتبه الدنيا سواياها
اللي لهالحين ماطابت صوايبها=والله لاموت ماراحت بقايها
خلتني أعرف مخطيها وصايبها=ولاثقبها لوتضحكلي ثناياها
الله من ساعتن دارت عقاربها=تنقص من اعمارنا ولاحسبناها
كم نفس حياً تعيش وحضرغايبها=في غفلتن لين يوم الحق فاجاها
ماتاخذ الا عملها من مكاسبها=اماعملها سعيد أو انه اشقاها
مخبلك ياللي مع الدنيا تحسبها=ماتدري ان الفقارى ربي اغناها
ماشفت نفسك وشفت الي يناسبها=ورسمت قدمك خطوطاً ماتعداها
وحاسبت نفسك قبل يوماً يحاسبها=الواحد اللي خلقها قبل وانشاها
ياتايه الراي روحك لاتعذبها=ترى لياليك ماتكشف خفاياها
كانك تخطط عليها مانت غالبها=تبي تغداك قبل انك تعشاها
خذعلم من صارع الدنيا ومصايبها=حاولبها لين اخذته وسط مخباها
ووجزلك العلم ف بيوتاً مرتبها=تعب عليها من اولها ألى اتلاها
وان كان درب الصواب اخطت وجانبها=تجي بوسط القصايد ماهي باسواها
من شاعراً زين بيوته وركبها=يغوص كل البحور ويعرف اسماها
ماكل ورقاً ليا غنت يجاوبها=ولاكل كلمه الياجاته تقصاها
من جنب الناس يسلم من طلايبها=ومن عارض الناس رجله طال مسراها
تهوي عليه الجوارح في مخالبها=يبغا المكاسب ويصبح من ضحاياها


-

المشاركة الأصلية كتبت بواسطة شداد الغيداني (المشاركة 1110365) الله من ساعتن دارت عقاربها=تنقص من اعمارنا ولاحسبناها كم نفس حياً تعيش وحضرغايبها=في غفلتن لين يوم الحق فاجاها ماتاخذ الا عملها من مكاسبها=ماعملها سعيد أو انه اشقاها مخبلك ياللي مع الدنيا تحسبها=ماتدري ان الفقارى ربي اغناها ماشفت نفسك وشفت الي يناسبها=ورسمت قدمك خطوطاً ماتعداها وحاسبت نفسك قبل يوماً يحاسبها=الواحد اللي خلقها قبل وانشاها ياتايه الراي روحك لاتعذبها=ترى لياليك ماتكشف خفاياها كانك تخطط عليها مانت غالبها=تبي تعشاك قبلنك تغداها خذعلم من صارع الدنيا ومصايبها=حاولبها لين اخذته وسط مخباها ووجزلك العلم ف بيوتاً مرتبها=تعب عليها من اولها ألى اتلاها وان كان درب الصواب اخطت وجانبها=تجي بوسط القصايد ماهي باسواها من شاعراً زين بيوته وركبها=يغوص كل البحور ويعرف اسماها ماكل ورقاً ليا غنت يجاوبها=ولاكل كلمه الياجاته تقصاها من جنب الناس يسلم من طلايبها=ومن عارض الناس رجله طال مسراها تهوي عليه الجوارح في مخالبها=يبغا المكاسب ويصبح من ضحاياها

المشاركة الأصلية كتبت بواسطة مساعد الجليدي (المشاركة 1110371) صح السانك ياشداد لله درك ع هالقصيده العصما لك مني اجمل التحايا