ملتقى قبيلة حرب الرسمي - اسولف للمكان اللي جمعنا بأخر المشوار

السلام عليكم ورحمة الله وبركاته

مسائكم ورد وعود وياسمين

احبائي اعضاء منتدانا الشامخ
سررت بالانضمام إليكم

وهأنا اليوم اطرق ابوابكم بقصيده
من قصائدي عسى ولعل ان تنال على اعجابكم

اســـولف للمكـــان اللي جمعنا بأخر المشـــوار
عــن اللــي صار من بعد انكسار الصوت الصوره

عــن دمـــوع الـــقصيد ولعبة الغافـي وحلم البار
وعــن بــوح الستايـر وانكشــاف الــحب ديجـوره

عن اضلال الكلام وقصرت عزومــي عن المسيار
عـــن حــروف العشق لاصــارت بغيبتك مقهــوره

غمـوضك خلف قضبـــان السجين وعالم الاسرار
جمــــالك ثــوبك وخلف الجمـال اسـرار مستوره

حرقت بعيني الصــوره ولاتدري وش اللــي صار
ولاتدري وش اللــي هــد صـرح الحب وقصــوره

تضللنــي بكلمــاتك علــى قــل الحكـــي واحتار
تخالفنــي عــن المعنــى بصــوره شبه محضوره

عفيــت وقــلت ابرهن لك بحبــي واكسر الانظار
أثرنــي لاعفيــت أضعف بعينـك واشـعل الثــوره

انــا شفت الــزمن ضــدي وقلت ان الــزمن دوار
وانــا مــاكــنـت اصـدق يتعـب الـتعـبـان دكـتــوره

خطــاي أنـي تغـاضيت الجروح بـومضة أستنكار
اكـذب قلبـي بـصدك وأفــاوت رمـــعة شــعـــوره

تصــدق ليلــي الــساتر فضح من عيني المدرار
ليامــن شعشع بعينــي ضيـاء قمـراه في البوره

أبـــأحرق لـــذة الفرقــا علـى نفـس الـعزيز بـنار
مــادام الــدمع محصول السنين وجبر مكسوره

تصــور مــن ضجيج الصمت ودموعي غلاك أنهار
وزعــزع فـــالمكــان اللــي جمعنا صــوتاً وصوره

بقــي عنــدي طلــب واحـد مادام ان الزمن غدار
((نصيـحه لاتيـمم للــمكــان اللــي فــقـد دوره))

عبدالله ذياب المخلفي