من لاجرح لايمكن إنه يداوي
ياصاحبي جيب القلم جيب الاوراق = من لاجرح لايمكن إنه يداوي الارض سبع وفوقها سبعة اطباق = وحنة خلوج وبالجبل ذيب عاوي لضلع ظل وجهة الشمس مشراق = ولروس سيف ولصغار اللهاوي والنار وش مفعولها غير الاحراق = والتمتمة ما من وراها عزاوي والحر حر ٍ لو تلوى بمسباق = لو كان منقول ٍ على كف شاوي والي يجي ويروح في شكل دراق = بسوق الرداء ماطب سوق ٍ غلاوي ومن لايعد الحق ينعد هلاق = لو كان من روس ٍ تجيب الفتاوي والي يبي يجامل لسارق وبواق= اما معه ولا لفق له مخاوي والي يعلقها على كل معلاق = ومن ين ماهبت هبوب ٍ يلاوي والي يروق احيان واحيان ماراق = مرض عقل ماهي بعلة كلاوي يبلش بها عاقل وفاهم وسباق = لطيب ودروب الرداء وش اتساوي لاقستها بالعقل مع حسن الاخلاق = العود الازرق مايشبّه بجاوي اليوم مابغها على طاق ٍ وطاق = الشعر شعر وللمحجي حجاوي ننقاء جزيل الشعر من راس واعماق = ولاننجرف مع كل سيل ٍ نحاوي وللشعر نقاده وللبيض سلاق = وانا لامحت اموح عد ٍ رهاوي والي بشبر الماء تحت حكم الاغراق = عندي سواء غريق وإن رد ضاوي لولى اختلاف الذوق ماقالوا اذواق = وعماء البصيره يزهمونه عماوي للبيت مدخال ٍ وللباب مغلاق = وللادمي حسنات وايضا ً مساوي والي وضع رجله على حد مزلاق = عساه كانه طاح طاح امتساوي ماجيت له ناطح ولاجيت ملحاق = لاكن على ماقالوا الناس ناوي اسبوت تحفيها ترى غزة الساق = واسبوت ماتلقاء وراها ملاوي اشره على الي يقدّر الناس لو ضاق = ماهو بقدر ٍ فاح فوق الغطاوي ماني من الي يخيله كل براق = ويعيش عمره تحت حكم المناوي سم الافاعي غالبه سم زراق = صحيح ماهو قول حول الحراوي كان راعي الغفلة بعد غفلته فاق = ماهو رخيص يشيل بشت ٍ حساوي وإن كانها توقه ولابعدها تاق = انا غني وعد غيري غناوي كنز العقل من يملكه يملك اسواق = ومن يملك الحكمه فلاهو بغاوي ياصاحبي شيل القلم مابها اشواق = حنة خلوج وبالجبل ذيب عاوي فايزموسى البشري = |
صح الله لسانك ولاهنت وسلم فكرك وبنانك دمت برعاية الله وحفظة |
تسجيل تواجد في منبر الجزاله صح لساانكـ بيض الله وجهك |
اقتباس:
ماقل دل قصيده جزله جزله جزله بيض الله وجهك |
صح لسانك يافايز قصيدة جزلة من رجل جزل
لاهنت |
صح لسانك يابو موسى
على القصيده |
اقتباس:
الله الله عليييييييييييييييييك والله انك ماقلت الا الصدق يا ابن العم الله لايخلينا منك جزل جزل وقصيدة تصب من ذهب وتستحق التقييم صح السانك وبيض الله وجهك |
قصيدة جزلة من شاعر جزل
صح لسانك وبيض الله وجهك يا فايز البشري |
صح لسانك اخوي فايز
جزل بما تكتب او بكل ماتكتب صح لسانك ولاهنت |
قصيدة جزلة من شاعر جزل صح لسانك وبيض الله وجهك يا فايز البشري دمت بخير وسعاده |
الساعة الآن 01:26 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir