إن كان مازلت ماتدري = إسمع كلآمي ولاتغفل
إسمي باسم جدي الحِجري = من بشر 0تاريخها محفل
بخيتان مرفوع به قدري = الاوله دوم بي تعقل
سالم ومسروح هم فخري = عن ساسنا حرب من يجهل

ياللي لنا بالغلا باقين = ليتك بنا فالقسا تصبر
ما اقول بك حاجتي فاللين = منك العفو دام له تقدر

يجري بنا الوقت مستعجل = واحنا على غفلته ماشين
ياليتنا عنه مانجهل = ولغفلة قلوبنا صاحين

ابو فرح =
وش للمعنّـا عـلاج وطـب = يرضيـبـهـا قـلــب متـلـهـف
لاسار عند الحبيب الحب = كذبـه واحـسـاس متخـلـف
بخيتان البشري =
جلسات متخصصة 0 وكّتُب = فيها الوّله درس متكلف
يمكن لجهله علاج تّطُب = او تكتشف عقل مُتصلِّف

تركه من المستحيل يكون = ومن سابع المستحيل الامر
ابتركه يستمر 0مايهون = يضيع مني حصاد العمر

ليل الجفى خبِر الساري = إن لي به حقوق مشروعه
صادق معه طول مشواري = ماجبت الاشواق مصنوعه
لجلي في سوق الغلا الشاري = وروحي ثمن فيه مدفوعه
يمكن معك يقبل اعذاري = ويلقى بها نفس مرفوعه !!!

مالك مقاصيد بحروفي = لايخونك بشوفها التفكير
انتا على الراس معروفي = لو ما مضى تهت فالتعبير

مدري هوى البال يبكينا = والا على مفارقه نبكيه
في حال يصعب يداوينا = من دآءنا يصعب انداويه

خالد بن عبيد الاحمدي=
بالطيب ماينجحـد دورك=وبالجود ماقول بك سيّـه
وشلون تعزم ّ على فطورك=من غير شربه وماسيّه


بخيتان البشري=
تُشكر على طيّب شعورك=وتبقى مشاعرك حسيّـه
انته وجودك ومقـدورك=لو غير فولك في تبسيّه


خالد بن عبيد الاحمدي=
بقلابتك فاحـت قـدورك=وتقول عنـدي رومنسيّـه
وماصاب نطّقك ومنظورك=وهذي من البال منسيّـه



بخيتان البشري=
طرقي على طرق مجرورك=وبالعزف وزعتك محسيّه
ماتستمع منـع دكتـورك=في هواية الحُقّ وببسيّـه

بخيتان البشري=
بعد العنا طول ليلي طال = ومعي انتهى فلقة الاصباح
سلام يصدر لكم فالحال = به قرة العين لك ترتاح
المستشار =
صباح مثل الزهر يختال = ينشر عبيره عطر فواح
ترحيب بعد انشغال البال = ياقمة الانس والافراح
بخيتان البشري=
تبقى على طيب الاحوال = ويبقى السعد فيك ماينزاح
كيف العمل لا البخت بي مال = وكل ما ارفعه من عيوني طاح
المستشار =
نشري سعدكم بدفع المال = وترخص لجل مثلكم ارواح
لاشك ما باليدين حبال = ولا حل في يديننا ياصاح
بخيتان البشري=
من طيب حرفك وطيب الفال = والمسألة ماطغت بلحاح
من فاقد الشي انال محال = لكن رأيك يبى الإيضاح
المستشار =
اصبر ولا تقتل الامال = واحسب على المقبلات ارباح
محال تبقى على ذا الحال = وصبرك لباب الفرج مفتاح