من بعد ماصد جارحنا = وخلّف جروح الآسى خلفه
اليوم لي عاد وافرحنا = جرحي برى لامسه كفه

اللي يتولع بحب الزين = يوفيه كامل مطاليبه
ويعامله بالوفا والين = ولايواخذه في عذاريبه

صويلح السحيمي=
سلام رده لهل مبدا = مبدايه الخير والطيبه
والله مدري كيف اببدا = للي لهم فالحشاء هيبه
علي عيد البشري=
ترحيب ياطيب المدا = ياحر فاعلى مراقيبه
واغلا التراحيب تمتدا = من دار عسفان لاطيبه
صويلح السحيمي=
ياراعي الطيب والودا = تبقى ياصقر(ن) مخاليبه
من نادر الصيد يتغدا = مافيك شك(ن) ولاريبه
علي عيد البشري=
تغرف فالامثال من عدا = راهي ماجفت مشاريبه
عطنا جديك انا مودا = لعذب الحن منك محريبه
صويلح السحيمي=
شعري كما الطير لاهدا = يكفخ ورى الصيد ويجيبه
وانته إمن العالم إمبدا = والمنطق الزين ضاريبه
علي عيد البشري=
شعري كما السيف له حدا = مثلك ما يجهل مضاريبه
وإن جيت للحق ما تردا = يازين قلبك ويا طيبه
صويلح السحيمي=
مانجهل الجزر والمدا = والضيف يعرف معازيبه
وإن جيت مناك مرتدا = اعطيك مطلبك واسري به
علي عيد البشري=
ادري فواجبك بتسدا = والضيف ربعي تحييبه
وانته معزب وفالسدا = منهو نصانا نهليبه
صويلح السحيمي=
راجع كلامك ياخو شدا = كلن يراجع مكاتيبه
ماودي الهرجه إتودا = إبليس بمسك تلابيبه
علي عيد البشري=
بنيّ على ساس ما يهدا = مانته بمخلف تراتيبه
يامعرب الخال والجدا = إبليس حنا نخزيبه

يانفس وش فيك منصابه = واقع ولابد به ترضين
عادات الايام غلابه = تقسى وبعد القساوه لين

عكر عليه صفى ليله = وغثبر صفاها وعكرها
كرر فبخص الوفا كيله = وكررت عفوي وكررها

بخيتان البشري=
سلام نظرة عيوني فيه = من زود الاشواق هلني
القلب كيف اعذله وارضيه = ومعه الاحاسيس شقيني
علي عيد البشري=
ترحيب دام النظر يرعيه = وعليه الاشواق زادني
القلب ويش الذي يخفيه = عن ماجرأ هات لا تكني
بخيتان البشري=
القلب لولا النظر باليه = ما اخلف معي ياعلي ظني
ترسم قصص صورته ماضيه = باغلا روايات سلني
علي عيد البشري=
ذا درب والكل ماشي فيه = مايوم الآجال عجلني
لاتبلي القلب لا تعضيه = لاتقول الافكار حارني
بخيتان البشري=
مومن وحكم القدر راضيه = لاجات ما ارُدها عني
لجله مُحال النظر يخطيه = قلبي مع الطرف متعني
علي عيد البشري=
في نظرة الطرف لاتشقيه = قلبك 0ولاتقول لاكني
ماقوى على الصبر لاتطريه = خلك على ماتضح مني

ســرور بن بريـك البـشـري=
عجبه ومنها العقول تحير=كم عيشت ناس في حيره
قالوا منيره وقلت منير=يمكن لبس ثوب لمنيره
علي بن عيد البـشـري=
من دون مؤجز ولا تقرير=ياسـرور يـا طـيـب السـيـره
لاتـشـغـل الــبــال والتـفـكـيـر=فاللي عطى الخـط تدويـره
ســرور بن بريـك البـشـري=
نصيت معناي وانت مغيّر=واعطيت فالخط تغبيره
ارجع معي في يمين السير=يمكن لكم فالأمرخيّره
علي بن عيد البـشـري=
اهدأ علامك كذا بتطير=خابـرك ماتـتـرك الـطـيـره
لاصرت واضح معي باسير=والخط ماهمني سيـره
سرور البشري =
احترت فالامر يوم الغير = الكل عنا عطى ديره
ويامستشار الاداره شيّر = حيران والمبتلي شيره
علي عيد البشري=
حيرت فكري عساك بخير = صاحبك شليت تفكيره
الامر يحتاج له تفسير = للوضع ونشوف تدبيره

مشعل النويمي=
برسل تحية إلى الوافي = عبر الرسايل من الجوال
عساك طيب ومتعافي = طمني على لكل والاحوال
ابوعيد=
وصلت تحيتك ياسنافي = ياطيب الاصل والمنزال
ترحيب والكل ياموافي = مادمت مرتاح فاطيب حال

ابن بريك=
سلام مثل العسل واعذب = واطيب من المسك والريحان
ينصاك ياطيب المنسب = ياستاذ بارز على الميدان
علي عيد البشري=
ترحيب يامن لكم نحسب = ومقداركم يرجح الميزان
ياطيب الاصل والمذهب = ياعدّ ثابي على سيسان
ابن بريك=
دام البقى والقلم يكتب = ما جف حبره من الالحان
وكل المعاني تجيله صب = مثل المطر فاوله هـتان
علي عيد البشري=
لابان زين المثل يعجب = المستمع للصفا والدان
مصغي لك السمع والمطلب = عندي لكم وافي الاثمان
ابن بريك=
شفت البحر هاج بالمركب=وشال المسافر مع القبطان
ما منهم اللي وصل لدرب=ولا منهم اللي رجع كسبان
علي عيد البشري=
البحر غدار ومجرب = لاهاج يصعب على الربان
من مال الاخطار مأستغرب = إليا رجع بعدها خسران

بخيتان البشري=
سلام مخصوص يابن عيد = طيبه مجرد لك سيوفه
وإن شفت طيبه معك تهديد = ترحيب طيبك به نشوفه
علي عيد البشري =
بترحيب طيب السلام أعيد = طيبه وتقراه في كشوفه
والحال مايحتمل تمديد = يامن لنا خصص حروفه
بخيتان البشري=
سيد الوفا سيده لك سيد = معروف والعرف معروفه
اشكي وشكواي بالتحديد = توصف لك الحال ووصوفه
علي عيد البشري =
ياذخر الاحرار بالتاكيد = اهل الوفا وانتم ضيوفه
للمشتكي بجتهد وافيد = حسب الذي ينص مظروفه
بخيتان البشري=
حال الذي حالته تعقيد = عن مايبا تشغل ظروفه
شاب العمر والمشيب يزيد = يقاسي الوقت وصدوفه
علي عيد البشري =
منته لحالك شكاها زيد = وعبيد0 عانو من جحوفه
الوقت0 ماهو على مايريد = المرء0لوانهك اكتوفه

ليت المـعـنّـا يحصل0 ود = مخلص يحافظ 0 على وده
ينسى معاه العنا والجهد = مود0 مايشقي0 موده

بخيتان البشري=
سلام واللي لفاك وجاك = معنى حروفه لها نقشا
في اشعر الناس هل مبداك = كانابغه قدم الاعشى
علي عيد البشري=
ترحيب يامن لفا ينصاك = ياراسم ابداع كالبرشا
في عصرنا او زمنهم ذاك = حدد0 ويجابات لك تنشا
بخيتان البشري=
تبقى ومرحوم من رباك = على الوفا0 وصار لك ممشا
ياراعي الفكر من شرواك = الشعر عليه مانخشى
علي عيد البشري=
امين0 والشعر كان هناك = وفن اعذبه كل ما انهشا
لليوم نجنيه مايخفاك = هل واقعه سببّ الدهشى
بخيتان البشري=
له سوق غير اهله المُلاك = كلِ لقي له فدا كبشا
والشعر لاشك مع ذولاك = مايغُش لكنه انغشا
علي عيد البشري=
يحميني الله ولا يبلاك = بزفات يتبع لها طرشا
واليوم فيه الذي يزهاك = مع كل الاذواق يتماشا

فواز الزوهيري=
سلام وسط السما برجه = لاهل الوفا والصفا والكار
نبغا لنا فالمثل سجه = نقطف سوى اروع الازهار
ابوعيد - ابووائل=
يامرحبا طابت الخرجه = فزنا بها صحبة الاخيار
لاجات الامثال مندرجه = نقطف معك غالي الاثمار
فواز الزوهيري=
عسى البقا يالذي نهجه = دايم على الطيب والمقدار
مشاعر القلب محتجه = من طرف يرمي ليهيب النار
ابوعيد - ابووائل=
يبشر بنا من لنا وجه = طرفه يشكي عنا محتار
ومادامت الريم في مرجه = يصبرعلى الجورمها جار

علي عيد البشري=
مالك ومال العضى مالك = مالك في درب العضى مصلوح
كب الشقى روح في حالك = واللي ماخصك عنه منصوح
حامد حماد الصبحي=
يازين هرجتك واقوالك = كلام صادق يرد الروح
الله يخليك لعيالك = وايزيد عمرك هنا واطموح

لاح الذي يلفت الانظار = في عتمت الليل مطلاعه
فالقلب سبب لنا اظرار = من هو يداويه في اوجاعه

من بعد فرقا سنين طوال = وانته وانا ما تلاقينا
اليوم هذا ماهو فالبال = القاك وانتة تلاقينا

نمت العشا ياخلي الهم = وانا اتقلب إلين اصبحت
ماتحس بالحال ماتلهم = العلم وياكم لك سرحت

ابوفرح=
على هداوه وقرت بال = وزنت قافي ومحرافي
واقول في طالع الاقوال = سلام يالشاعر الوافي
ابوعيد=
مع راحت البال واسعد حال = نبغى المثل من فكر صافي
منك احتري اعذب الامثال = ترحيب لاهل الوفا ضافي
ابوفرح=
حام النظر في سهل وجبال = ورده لمبداه ماشافي
ذا وقت فيه الحمول ثقال = ولاهو عليك الامر خافي
ابوعيد=
بعد النظر ماراء الاهوال = عن واقعه سار بخلافي
دايم0 لثقل الحمول رجال = مايثمنه غير عرافي
ابوفرح=
الجمه اللي على المدهال = غثرب صفى عدها السافي
اللي وردها بدون حبال = وش رايكم فيه ياسنافي
ابوعيد=
لنّ كان جمه على منهال = لو وردها عذب ينعافي
مثل الذي ينزل المسيال = ولاحسب حساب ياكافي
ابوفرح=
ماهي عوايدك يالنابال = تشت في رمي الاهدافي
عطني حكم فيه دون جدال = لاتجيب بلي قول شفافي
ابوعيد=
من عادتي اوفي المكيال = ماحيد عن نهج الاسلافي
والحكم فاللي ورد فالحال = يفصّل له الراس سيافي

بخيتان البشري=
ماتتفق واسطه ونظام = للفيصل ادروس فالماضي
الواسطه تيغر الاحكام = غصبآ عن اللي ماهو راضي
قضية الاختلاس اعوام = مطاردتها على الفاضي
من هيئة المدعى العام = تحولت امس للقاضي
علي عيد البشري=
فيصل ملّك فالدها وسام = حكيم مثله ماينعاضي
مضرب مثل فاليمن والشام = مايحتوي قوله اعراضي
واللي ضميره عليه عسام = دايم عن العدل متغاضي
لكن ربك على الظلام = والحق راعيه بيقاضي

ماتحس بالحال ماتدري = ماتدري اللي حصل بعدك
مايحتمل للعنا صدري = مايحتمل خاطري صدك

ابغى اتطمن عن احوالك = ياعالي القدر والمقدار
كل ماتصلنا بجوالك = مقفول خطك وش اللي صار

بخيتان البشري=
السوق مكتّظ بالتجار = ومتخضره بين دلالين
سلام وانتا من الشعار = هل فالبلد ناس مديونين
علي عيد البشري=
السوق متقلب الاسعار = ومتخضرة دونهم حابين
يامرحبا والجواب القار = من الناس ثلثين محصورين
بخيتان البشري=
على حسب لعبة الشطار = والا حسب رغبة الغاووين
تبقى 0 وفيما بقى تختار = على حسب ماتشوفه مين
علي عيد البشري=
ناصر ومنصور مع نصار = فالسوق لكن مختلفين
واحد تعاقد معه ابار = وزيني تخارج مع الباقين
بخيتان البشري=
ياكم سلعة ثمنها بار = في طوشة الشحن والتخزين
والمحتكر لو يشب النار = فاسعارها جوه شرايين
علي عيد البشري=
معرض السوق للاخطار = والسعلة اللي بلا تثمين
يبغى يتخارج بصك اعسار = ويقول فالسوق خسرانين
بخيتان البشري=
ان جيت للحق يابيطار = ربك على الظالمين يعين
عيش الزمن والفلك دوار = وخلك في طول الطريق يمين

خلك على منهج القرأن = ولاتخالف الشرع والسنه.؟
واللي تبع خطوة الشيطان = وهجوم على النبي شنه
ماخاف ربه قليل ايمان = والبغض في قلبه يكنه
لشفيع الامه نسل عدنان..؟ = (محروم من ريحة الجنه)

علي عيد البشري=
بالعيد اسمى تهانينا = للكل 0 والملتقى نقريه
سلام حسب القوانينا = والساير اللي سوى نمشيه
لغيابنا ظرف حادينا = وكلٍ ظروف الزمن تحديه
ومهما المصاعب تلاقينا = ناصل وراع الوفا نوفيه

بخيتان البشري=
مبارك العيد ياخينا = ياصاحب نعزه ونغليه
يامرحبا ياموافينا = ترحيب بالطيب لك نبديه
ماتختلف بك هقاوينا = ياللي على الدرب ماتخطيه
وظروفنا لو تراعينا = ماكان جور الزمن نشكيه

بخيتان البشري =
بنلعب مبارة وديه = بهدافها نمتع الجمهور
سلام فالعيد رديه = على الوفا نهجها المخبور
علي عيد =
امتاع فيها ونديه = والكل لهدافها مسرور
ترحيب شوفتك عيديه = كيف اجبر الخاطر المكسور
بخيتان البشري =
فالقارة الشبه هنديه =تلقى امم مالها دستور
دول والاحلاف جديه = في كسر خاطرك لعبت دور
علي عيد =
ماهي كذا احلام ورديه = عانت مآسي زمن مخطور
والعلم لو كان فيديه = دستورنا منهجه مايبور
بخيتان البشري =
الباب لو كان جنديه = حارس وصاحي عليه يدور
ماسده ابدان مرديه = ونهارها مابداله نور
علي عيد =
خاب الرجا فالقياديه = ماعمرو للعبور جسور
وللفرس ادوار كيديه = تجاوزت حدها المحظور
ارواح واموال نقديه = في نصرة الطاغية 0 مدحور
لوكان بوذا وسنديه = تلقى قرار الامم منشور

رغم القسى والآسى ناله = وزايد عليها جروح الصد
مازال قلب الشقي حاله = هايم وعاشق نحيل القـد

المقرح=
ياصاح بالحال ماتدري = وبعض المعاذير ماعذرها
لكنها جات في صدري = ورجال مثلك نشاورها
علي عيد البشري=
وسيع بالك ولا تزري = حتى ولو كان كررها
ماينوخذ مثلكم غدري = عطني علومك وفسرها
المقرح=
في خاطري كل مايطري = روحي معه بس . قاهرها
ولولا الوصل بيننا يجري = في ذمتي الآن لابترها
علي عيد البشري=
ياللي تبا حلها جذري = اخذ النصيحه وقدرها
لجل الوصل بينكم يذري = وسع دروبه وعمرها
المقرح=
وش يلزمه من بعد نشري = شتت لي الحال بعثرها
عندك دوى ياعلي يبري = ويفيد فاجراح واثرها
علي عيد البشري=
درب الوصل بينكم عسري = من الصعب عسره تيسرها
منته على علاجها مزري = روحك من الأسر حررها

ابوفيصل=
ياصاحبي ياعلي بن عيد = يا من لكم فالحشا خانه
كثر المجامل ماعاد يفيد = مع ناس بالحيل تعبانه[/

ابوعيد=
فواز يامن غلاك يزيد = ماقل مثقال ميزانه
كل شي لازاد بالتأكيد = عن حده يزيد نقصانه

يبقى الغلا0 والوله لجلك = غريق في بحرك العاتي
لجل ايش ما تمدله حبلك = وش والذي تنتظر ياتي

اليوم اللي عليك يمر = لايروح مانلت به خبره
ومن امسك اللي مضى ياحر = بكل مافيه لك عبره

انته لحالك بهذا الكون = نزلت في خافقي وحدك
لكن لا تفتكر باكون = اسمح تجاوز معي حدك

عن الوفا انشد العُقال = وش رايهم في مغنّينه
لاصار في حزة الافعال = ماطبقوها قوانينه

ابشر بعزك وطيب الفال = والراي حاوي مضامينه
اهل الوفاء ورثوه اجيال = والمعدن الزين حامينه

قليل تلقى قلوب نضاف = هذي حقايق لمسناها
بغرور واضح وفيه اجحاف = لعقول ( يفنا ) مايرقاها

علي عيد البشري=
بعيد والا قريب كنت = فالقلب ياصاح منزالك
عزيز غالي وتبقى انت = تشتاق الاشواق لوصالك
بخيتان بخيت البشري=
ابدعت في رسمها واحسنت = فكره على بالي وبالك
غلاك في قلوبنا مكنت = لن كان ماجيت جينالك

بخيتان البشري =
لمت بنا خوة الوافين = عنها نبى الحرف يوفينا
اللي بنا يلتقي تثمين = لصحابنا اللي تخاوينا
علي عيد =
الخوة اللي مع الذربين = تغنيك دايم وتغنينا
لاشك حرف المثل بيزين = به دوم ترقى معانينا
بخيتان البشري =
إقرا معي منطق التدوين = اللي رسمناه بايدينا
وعطنا لما يحتوي تبيين = يقنع 0 فيما كان مبدينا
علي عيد =
فالدرب مادامنا ماشين = هات الذي منك خافينا
ابدأ وحنا معك مصغين = والرد ياتيك في حينا
بخيتان البشري =
اللي طعن ضحكة السكين = غفلة على عيون ماضينا
ياكيف في وقتنا بندين = ومن دونه اقلام قاضينا
علي عيد =
فيها على مايقول الدين = نوخ رِكاب المودينا
ماضي صمتّ فالصمود سنين = وحاضر سِهر بالمنادينا