|
دعواتنا لاخواننا الطلاب والطالبات بالتوفيق في اختبارات الفصل الاول 17/4/1438 |
ياليت من له القدره يحط الالفيه بمتصفح واحد
اكون له شاكر |
هل تقصد يابو هليل يدمجها مع بعض او ينشي موضوع جديد وينقلها فيه
عيوب الدمج : ينقص عدد مواضيعك 27 موضوعا لانها تصبح موضوع واحد بدلا من 28 موضوع 2 - تتداخل الردود مع بعضها حسب التوقيت الزمني عيوب انشأ موضوع جديد : تكون الالغاز بأسم منشىء الموضوع حتى ولو نوه في العنوان انها الفية ابو هليل فقد ينقل احدهم لغزا وينسبه لكاتب الموضوع بدون ان ينتبه للعنوان وانا حاضر بالي تامر عليه يابو هليل بعد ان تقرأ هذا الرد وتعرف عيوب كل طريقة |
لاهنت مشكور ياحسين
ابغاها في قصيده وحده بدون الردود ء |
بسم الله الرحمن الرحيم
الفٍ اولف فالغوز الرزينه = لعل تعجب كل شخصٍ قراها الالف ادور للفتاه الثمينه=وحيدتن فالكون مابه سواها لولاها كل الناس تصبح حزينه= للادمي تخصيص ربي عطاها البا بذيك البنت ياعارفينه = ماصوفتن بالو صف ولاحدٍ راها جابت خبر مجهول لمدورينه = ماينكشف محفوظ لولا عضاها التااء تجي فالبيت ضمن الخزينه = محبوبةِ للكل ماحدِ شناها اطيب خوات البنت وسط المدينه = اهل البلد والغرب كلٍ شراها الثاء ثقيل الوزن يارامعينه = مدة زمن رجال بارضه قضاها بليا مرض او علتن ذاكرينه = القمه العليا توقف صداها الجيم جو الغز يبغى سكينه = لاتعبت الثنتين لغزي دواها تميت شرح الغز لمدورينه = والناس وقت اليوم زايد ذكاها الحاء حكمت الغز لمدورينه = دار الذي ماغير شخصٍ وطاها لو طبها غيره يروح عجينه = حقيقةٍ صارت وكل قراها الخاء خويه للمسافر خدينه = يوم الدلايل حافظينن سماها فالبر والا فوق سطح السفينه = صغيره لاكنه بعيدٍ مداها الدال دورته نفوسٍ حزينه = لعل بعد الضيق يكشف بلاها فالبر والا البحر والا المدينه = لاجله جميع الناس يكثر شقاها الذال ذيبن كلكم كارهينه = بالغصب ياخذ حاجته لابغاها مايستوي شماله والا يمينه = ميزه بغيره قيل ماحد لقاها الراء ركزت الغز لمدورينه = بالي رماها الوقت وكلن نساها لاهي نحيفه نحيل ولاهي متينه = خلت هنوف الدار ترفع غناها الزاء زمان اليوم واول ثمينه = بنتن كبار الناس فيها تباها اْ رجالها فالشرق متوارثينه = فيهم تسمى زايد حلاها السين سؤه فالعضام الدفينه = العين باسبابه تزايد شقاها ورى البحر لاشلت راسه مدينه = سكانها للجار زايد عداها الشين شاهد للمكان الخزينه = عنده كثير الناس تلقى بناها اسمه ترى حرفين يارامعينه = بالعكس لو تقراه يعني رماها الصاء صغيره مانسرك حزينه = معروف للعالم حفيقه نداها ياحيان تحكم حكمها طايعينه = وقتن مضى للامن يعني صداها الضاء ضمانه لغزنا مبعدينه = ماغيرها فالكون يوجد سواها جميلة المنضر نحيفه متينه = مره تغير فعلها بخصماها الطاء طريقه ياعرب جاهلينه = اليوم داره مالقينا ثراها وسطه فتاتن كلكم عارفينه = تجذب وحيدٍ فالمتايه لقاها الظاء ظمنت العلم لك ذايعينه = بنتن كثير الناس يشكي غثاها ياكم ديارٍ روحت ياغبينه = وديار موت نملها في حصاها العاء عروس اثنين مزوجينه = والكل منهم فالمخاطر حماها شوفي بعيني كلهم راكبينه = هذا تحت والثاني يركب علاها الغين غادر وقت مشي السفينه = يوم السماء هلت مخازين ماها يعد انتهى المشوار عادت سنينه= بالديره الي راح منها صباها الفاء فديتك فالطريق الرزينه = مايرتجا حي برجله مشاها دليلها ذيك النجوم الحسينه = متقابلات وكل واحد راها القاف قبل الشرح يارامعينه = بكل الدول تثبت ولاحدٍ غواها الا بلادي والبلد عارفينه = غربٍ تجي والشرق واحد لقاها الكاء كرامة بدو لمدورينه = عند الذي يمناه يمدح عطاها واليا عكسته للبهم جايبينه = وان ماعرفته قلت احطك معاها الاء لها روحي وقلبي رهينه = طفله ثلاث سنين عمري فداها احبها حب النبي للمدينه = سميها فالناس يرفع غلاها الميم ماتبغى وصارت حزينه = لاكن الاه الكون تمم عطاها صار العطاء محفوظ بايدي امينه =بامر الذي يعلم سراير خفاها الناء نويت الصعب يامهتوينه=بالي عشق معشوقتن مالقاها فالماء تشاف وكلكم شايفينه = فارق حياته والسبايب غلاها الهاء هوايه والهوايه حسينه =شبه الجزيره ناسها وعملاها ماهي جديدة عهد متوارثينه= الهاء بدايتها ولارضى سواها الواء وصوف الجمع لمفسرينه= ناسن تجمع لاجل تاخذ مناها يرجون واحد فالبلد زايرينه =لعل فالكثره يحقق مناها الياء يقال وكلكم قايلينه = للي صغير السن عشره ماقضاها شبه الجزيره كلهم عارفينه = كلمه ولاحدٍ فالعروبه غواها تمت وغايتنا الرضى مرتجينه = والعذر منكم لاتبين خطاها |
الله يسعدك ياحسين
مشكووور يالغالي بيض الله وجهك |
تستاهل كل خير مستشارنا الغالي ابو هليل
واي طلب حنا في الخدمة وهذا واجب لانستحق عليه الشكر ولكنك شكرت كرما منك |
الفية مستشارنا ابو هليل في الالغاز مع الحلول واصحابها
الفٍ اولف فالغوز الرزينه = لعل تعجب كل شخصٍ قراها الالف ادور للفتاه الثمينه = ويمكن تجي رجال للي قراها لولاها كل الناس تصبح حزينه= للادمي تخصيص ربي عطاها ( الامل ) حله ابو جميل المزروعي= البا بذيك البنت ياعارفينه = ماصوفتن بالو صف ولاحدٍ راها جابت خبر مجهول لمدورينه = ماينكشف محفوظ لولا عضاها ( بقرة بني اسرائيل ) حله حسين= التااء تجي فالبيت ضمن الخزينه = محبوبةِ للكل ماحدِ شناها اطيب خوات البنت وسط المدينه = اهل البلد والغرب كلٍ شراها ( التمرة ) حلته الكحيلة= الثاء ثقيل الوزن يارامعينه = مدة زمن رجال بارضه قضاها بليا مرض او علتن ذاكرينه = القمه العليا توقف صداها ( صوم زكريا 3 أيام ) حلته الكحيلة= الجيم جو الغز يبغى سكينه = لاتعبت الثنتين لغزي دواها تميت شرح الغز لمدورينه = والناس وقت اليوم زايد ذكاها ( الجلوس ) حلته الكحيلة= الحاء حكمت الغز لمدورينه = دار الذي ماغير شخصٍ وطاها لو طبها غيره يروح عجينه = حقيقةٍ صارت وكل قراها ( الحوت ) حلته الاحمدية= الخاء خويه للمسافر خدينه = يوم الدلايل حافظينن سماها فالبر والا فوق سطح السفينه = صغيره لاكنه بعيدٍ مداها ( الخريطة ) حلته الكحيلة= الدال دورته نفوسٍ حزينه = لعل بعد الضيق يكشف بلاها فالبر والا البحر والا المدينه = لاجله جميع الناس يكثر شقاها ( الدواء ) حله حسين= الذال ذيبن كلكم كارهينه = بالغصب ياخذ حاجته لابغاها مايستوي شماله والا يمينه = ميزه بغيره قيل ماحد لقاها ( الذباب ) حلته الاحمدية= الراء ركزت الغز لمدورينه = بالي رماها الوقت وكلن نساها لاهي نحيفه نحيل ولاهي متينه = خلت هنوف الدار ترفع غناها ( الرحى ) حلته الاحمدية= الزاء زمان اليوم واول ثمينه = بنتن كبار الناس فيها تباها اْ رجالها فالشرق متوارثينه = فيهم تسمى زايد حلاها ( الزولية ) حله حسين= السين سؤه فالعضام الدفينه = العين باسبابه تزايد شقاها ورى البحر لاشلت راسه مدينه = سكانها للجار زايد عداها ( السقم ) حلته الكحيلة= الشين شاهد للمكان الخزينه = عنده كثير الناس تلقى بناها اسمه ترى حرفين يارامعينه = بالعكس لو تقراه يعني رماها ( الشط ) حلته الاحمدية= الصاء صغيره مانسرك حزينه = معروف للعالم حفيقه نداها ياحيان تحكم حكمها طايعينه = وقتن مضى للامن يعني صداها ( الصافرة ) حلته الاحمدية= الضاء ضمانه لغزنا مبعدينه = ماغيرها فالكون يوجد سواها جميلة المنضر نحيفه متينه = مره تغير فعلها بخصماها ( الضوء ) حلته الكحيلة= الطاء طريقه ياعرب جاهلينه = اليوم داره مالقينا ثراها وسطه فتاتن كلكم عارفينه = تجذب وحيدٍ فالمتايه لقاها ( وادي طوى ) حلته الكحيلة= الظاء ظمنت العلم لك ذايعينه = بنتن كثير الناس يشكي غثاها ياكم ديارٍ روحت ياغبينه = وديار موت نملها في حصاها ( ظاهرة الاحتباس الحراري ) حله ابو جميل المزروعي= العاء عروس اثنين مزوجينه = والكل منهم فالمخاطر حماها شوفي بعيني كلهم راكبينه = هذا تحت والثاني يركب علاها ( العين ) حلته الاحمدية= الغين غادر وقت مشي السفينه = يوم السماء هلت مخازين ماها يعد انتهى المشوار عادت سنينه= بالديره الي راح منها صباها ( الغبار ) حله حسين= الفاء فديتك فالطريق الرزينه = مايرتجا حي برجله مشاها دليلها ذيك النجوم الحسينه = متقابلات وكل واحد راها ( فلجة الاسنان ) حله الكنترول= القاف قبل الشرح يارامعينه = بكل الدول تثبت ولاحدٍ غواها الا بلادي والبلد عارفينه = غربٍ تجي والشرق واحد لقاها ( القبلة ) حلته الكحيلة= الكاء كرامة بدو لمدورينه = عند الذي يمناه يمدح عطاها واليا عكسته للبهم جايبينه = وان ماعرفته قلت احطك معاها ( الكيش ) حلته الكحيلة= الاء لها روحي وقلبي رهينه = طفله ثلاث سنين عمري فداها احبها حب النبي للمدينه = سميها فالناس يرفع غلاها ( لين ) حله حسين= الميم ماتبغى وصارت حزينه = لاكن الاه الكون تمم عطاها صار العطاء محفوظ بايدي امينه =بامر الذي يعلم سراير خفاها ( مريم عليها السلام ) حلته الاحمدية= الناء نويت السهل ياطالبينه= زهره جميله فالمشاتل تراها فيها تسمى بنت وانشد جهينه = عجل قبل غيرك يبين ضياها ( النرجس ) حلته الكحيلة= الهاء هوايه والهوايه حسينه =شبه الجزيره ناسها وعملاها ماهي جديدة عهد متوارثينه= الهاء بدايتها ولارضى سواها ( هدة الطير ) حله حسين = الواء وصوف الجمع لمفسرينه= ناسن تجمع لاجل تاخذ مناها يرجون واحد فالبلد زايرينه =لعل فالكثره يحقق مناها ( الوفد ) حلته الاحمدية= الياء يقال وكلكم قايلينه = للي صغير السن عشره ماقضاها شبه الجزيره كلهم عارفينه = كلمه ولاحدٍ فالعروبه غواها تمت وغايتنا الرضى مرتجينه = والعذر منكم لاتبين خطاها ( يافع ) حلته الاحمدية = |
اقتباس:
الايام القادمة محتاجينها لمراقبة موجة البرد |
ياحسين
سو اللالفيه الثانيه مثل الاولى الله لايهينك ويطول بعمرك |
الفيتن روحت والثانيه تاتي = للي يحل الصعب تنحل بسهوله الالف ادور فتاتن با الجميلاتي = تحت السماء تنلقي ماهي بمجهوله معشوقتن للبشر حيين وامواتي= فوق الذي شالته ينقال محموله الباء برجلٍ وحيد ولا له اخواتي = معروف عرضه ولاحدٍ جاهلٍ طوله وزنه فتاتين لناضر شبيهاتي = دليل للي ما حط الرجل بنعوله التاء حضوره حصل من شان الاثباتي= للي كثيرالبشر مختلفتن حوله رجال يحمل خبر وعلوم واياتي= راح الجدل وانتهى والربع طاعوله الثاء ثبت لا بغيت الراح وتباتي = ماهو ردي الرجل خفيف محموله الراس مقطوع ويدينه قصيراتي =باسم الذي لالفا قوي مفعوله الجيم جار الزمن بحروب وافاتي = جاب الذي يبعد العربان بحثوله انشد ديار العرب تحديد بالذاتي = باسبابه راحت وبالنسيان مشموله الحاء حروفه ثلاثه وصفهن ياتي= لاقلت واحد يجوز الحل وتطوله بالعكس لاقلتهن يعني مسراتي = فهمت والا هذاك تشابه لزوله الخاء خوية رجالٍ فايتٍ فاتي = لولاها بعض العرب ماتسير الدوله واليوم قامت عليها الحرب جولاتي= عنها كثير اليدين تصير مغلوله الدال دق البني عنده سجيناتي = والكل منهن بوسط الراس مغيوله مثل القمر لونهن يعني جميلاتي = الزوج لامن وطاهن بانت رجوله الذاء ذولاك راعين الدياناتي = اثنين ياهل الفهم والزود مشيوله الي معاهم كتاب انجيل وتوراتي = الحل باسمٍ لهم موصوف ونقوله الراء رجلٍ تومر فالمحيطاتي = يفوق بقيادته رياسة الدوله وقت الخطر لاحصل في بعض الاوقاتي =ماغيره بعد الولي يفك مقتوله الزاء زبيده تبي فالرجل منجاتي = لعل تلقاه لامن جات محموله فالبحر ماينلقي وهناك ماياتي = واليا لقيته لقيت الناس من حوله السين سيرة خبرها جات باياتي = الاسم والا بذاك الوقت مجهوله مع الذي بيع بشوية جنيهاتي = رجال فيه المره بالعشق مهبوله الشين شين مصنع صنع خفراتي = وصناعته ماتجي يالربع بسهوله طول النهار البني روحه وجياتي = لاجله تشد الرحال وعنه مسئوله الصاء صديقن تمره بعض الاوقاتي= ينفع ونفعه ليا فكيت مقفوله تمد كفيك لاجيته جويراتي= واليا عطاك العطا كفيك مغيوله الضاء ضمنت الوصف للكايناتي=وصفن عليهن فالمجاعه نقوله يليق بالي فالضهر مسرجاتي=ويلوق بالي دوم عينه خجوله الطاء طلبها ليالينا الشتياتي = خفيفة الحمل فالامتان مشيوله الباس حين زمان العمر ساعاتي= باسبابها روحه المسكين مقتوله الظاء ظهوره لبعض الخلق حسناتي = اطيور والا على السيقان محموله واحيان لاهل الهوى يصير منجاتي=والبدو لاحل كلن يعقل ذلوله العين عند البشر فيه البياناتي = يعطيك وصف الذي تبغاه بوصوله دليل للي يبي مافيه غراتي = لولاه ماروح المرسال مرسوله الغين غالي ثمنهن فالمبيعاتي = يازينهن فاليدين البيض محموله باسم الذي فالبلد صارن شهيراتي = رجال مطلوب عند الناس مشغوله الفاء فريد المسمى جزل الابياتي = لولاه ثلث الغه تروح مجهوله صحيح وسط القبر لاكن ماماتي = لازال حين وله صولات مع جوله القاف قالو عليه تصير شرهاتي = لاصار ماينفعك لاعتزت محصوله لاشلت راس الطلب فالعلم شكاتي = فهمت والا ليبطي مانته بحوله الكاف كلمه تسجل فالشهيراتي = عنوان للي يقدم نصح مقبوله باسلوب رايع يقدمها حكاياتي = هرجة بهايم ياكيف تصير معقوله الام للي ثبت بالقشع مواتي = مايحترك لو تجي من فوقه وحوله لعل يسلم ولاحاصل سلاماتي = سم الذي يعمله قدام لاتغوله الميم موقع يصير احيان منجاتي = لادندن الحرب وقامت تقرع طبوله الغز واضح ولايبغى شروحاتي = فالبر والا يجي بديار ماهوله النون نابي نبا روس المنيفاتي = سميه نفس المكان يصير منزوله رجال له فالوطن كثير بصماتي = يالله عسى جنة الفردوس محصوله الهاء هنيا عليها الناس زافاتي = فالمدن والا القرى ماهي بمنقوله باسم الذي فالبلد ماعاش ولاياتي = اليا عرفته عرفت الغز وحلوله الواء وجوده ضروري شرع الاياتي = عند الذي يجمع الاثنين لاجوله باسلامنا مايجي باق الدياناتي = وان غاب قالو عنه يسد موكوله الياء يالي تبي تضييع الاوقاتي = عليك بالي طلبك يصير محموله للي يحب التجول فيه جولاتي = فالثانيه تنتقل من دوله لدوله تمت حروف الهجاء لغوز جزلاتي = الفيتن جبتها فالعد مدبوله باخر كلامي لكم جزل التحياتي = والعذر فالي بيوته جات معلوله |
بيض الله وجهك ياحسين
مشكوووووور لاخلا ولاعدم |
لاشكر على واجب مستشارنا الغالي
الشكر لك على اثراء الملتقى بهذه الالفية الرائعة |
الالفية الثالثة لمستشارنا المبدع ابو هليل
الفن اولف جديداتي = والحن لحنه هجينيه الالف ينقال للاتي = كلمه ولاهي شماليه تنقال بعلو الاصواتي = لاشيف بالدرب طرقيه الباء وصف السميناتي = بنتين بالاسم خشريه فالشكل ماهن شبيهاتي= فالمملكه ذيك بريه التاء لامنها جاتي = عند الرجال الشقرديه مافيها يالقرم قولاتي = حاجتك بالحال مقضيه الثاء يلزمك طاعاتي = اوامر الجيش رسميه الصدر بارز شوياتي = ويديك فالخلف ملويه الجيم غايب سنياتي = دروسه اليوم منسيه ياليت راعيه ماماتي = الظاد ماتروح خلفيه الحاء ماعنه مغناتي = عند الاوادم سواسيه اربع عياله شهيراتي = فالنقص والزود مبنيه الخاء في بطنها ياتي = الموت مافيه مزحيه تنعد ضمن النحيفاتي = الاسم لهجه محليه الدال باوقات عسراتي = تفزع بفزعات عجليه تجيب ناسن سجيناتي = بالخير والمال مجزيه الذال ياكثر الامواتي = للقبر تنشال منسيه ماعنده فالخلق حسناتي= قتال مافيه ماويه الراء ينحط ساعاتي = وفالحر مايطول شويه يزين ويصير مشهاتي = ماحلاه باوقات ظهريه الزاء زوجن خفيفاتي = واهلهن ماهم غناويه ياكثرهن فالحرم تاتي = ساعات وتروح مرميه السين حطو دعاياتي = بافلام كرتون ملقيه راعيه يعطيه شحناتي = قوه ولاهي طبيعيه الشين لاربع قبيلاتي = بنتن ولاهي بجديه عليها تلتف راياتي = لو كان ماهي بدينيه الصاد فاليل ماتباتي = ولاتعارض البنت دوريه حسنات فيها وسياتي = والناس فالبنت مبليه الضاد لنفس مشهاتي = باوقات ماهي برسميه لازاد زوده مضراتي = وتعده الناس ماذيه الطاء ينلف لفاتي = فالسوق باثمان مشريه طبيعي والا صناعاتي = والغالي نوعه طبيعيه الظاد باثنين فرقاتي = دليل للحي ماريه اكبار والا صغيراتي = فالشرع ماهي بمنهيه العين موتو بغيضاتي = زدناكم بالعين حقريه رقينا روس المنيفاتي = يادولة الفرس مخزيه الغين كله جهالاتي = ثنتين خسران راعيًه الزود مافيه طولاتي = بايات مكتوب جهريه الفاء بالفايت الفاتي = بالصيف وليال شتويه تردد القول مراتي = الحب باصوات سحريه القاف قبل السمواتي = والارض تنشاف مبنيه مخلوق حط العلاماتي = محفوظ بديار سريه الكاف بالنيل وفراتي = ودى الشمالي جنوبيه عطيتك للحل شاراتي= خلاص تكفيك ماريه الام خفرات زيناتي = مالحقن دور الهلاليه فالام دايم ربيطاتي = والزاد مافيه ماويه الميم وسط العماراتي = يشابه البير مطويه ينفع بضيق المساحاتي = ولاشفته ببيوت شعبيه النون بعد المصيباتي = يسبب لناس نفسيه هيهات واقول هيهاتي = ماينجبر كسر تمريه الهاء لاهل السخافاتي = ف بلادنا للاسف ذيه لاشرع ولاهو بعاداتي = والاسم لهجه محليه الواء تجمع قراباتي = لاجاك فالبيت طرقيه يازينها فالمسراتي = والدار بالامن محميه الياء سكة متاهاتي = ماتسقي المنهلك ميه لاجيت بتنام لك تاتي = وتعيش باحلام ورديه والختم جزل التحياتي = باحلى التعابير مهديه |
السلام عليكم ورحمة الله وبركاته
ودي اعرف سبب إزالة اللغز رقم 3348 ياراكب جيب لكزز تو مجيووبي اللغز طرح للحل وانرفع بعدها ولم يتم الرد على رمعتي؟ وش العلم |
اقتباس:
انت رمعت وقلت خالد بندر سلطان السعود ورديت:: قلت لن ارد عليك ولاكن حاول مره اخرى والقصد ماودي اقول مالك لوى وبنفس الوقت ماجبت الحل كامل والغز رفعته بناء على طلب شخص عزيزاراد الغز مايدخل النت والالغاز استاذي الكنترول واجد بدل الغز ميه |
الصراحة اني ضد رفع اللغز
مهما كان السبب اما يحله صابه او يتركه يحل هذا عني لاني جدا مولعة في الالغاز وتجذبني اكثر من الشعر نفسه. ف عدم حل الغز يشكل لي لغز اخر؟ خاصة لو ماذكر صاحبه الاسباب |
|
لا انشاءالله صح فائدة للجميع في العبارة السابقة 1 - خطأ أملائي والصحيح أن تكتب هكذا ( إن شاء الله ) 2 - خطأ لفظي لا يقال ( لا إن شاء الله صح ) بل يقال ( لا و إن شاء الله صح ) |
اقتباس:
ااتضحت الصورة يابو هليل ومعذوور ومسألة رفع لغز مثل هذا تتعتبر حرية شخصية ننتظر جديدك بقوة هذا اللغز لاهنت وبيض الله وجهك |
اقتباس:
وانا اتفق مع هذا الرأي تماما وقد قلت هذا الكلام في الغاز سابقة لعدد من الشعراء منذو سنتين او اكثر واؤكد على العبارة الاخيرة ( خاصة لو ماذكر صاحبه الاسباب ) |
الالفية الرابعة للمستشار الرائع ابو هليل
الفيتن رابعه وحسين ينخاني = يقول صعبه عليك الله تسويها قلت ابشرو بس لاحد يصير زعلاني= حلفت جو الثرى لادفن معانيها الالف ماهو خفي معروف يافلاني = اول كلامه لديه اسراريرويها اسرار ماجابها مخلوق لانساني = لولاه ذولاك ماتعرف اساميها الباء رجلٍ ضعيف وصار له شاني = له كلمتن قالها ماحدٍ بناسيها الاول فالي تعلى راس ماباني = الناس للخير لامن حل يدعيها التاء تحت القمم تصير وتباني = ولاتنعرف لين باسم الجد تطريها سميها تنلقي فالسوق بالواني = والناس طول الزمن بالمال تشريها الثاء مايقبل زياده و نقصاني = عمر الذي لامشت يذبح مماشيها ياقوها فالبشر ماترحم انساني = حاضرها مايختلف يشبه لماضيها الجيم لاجله تعبت وصرت ضيقاني=ايام راحت قبل ماني بناسيها لاصرت بالحل ياهل العرف غلطاني=فالكف ناكل فتاه الله يكافيها الحاء ثالث ثلاثه بين الاخواني = غرب البحر ديرته هذي حراويها ماهو بجد العرب قحطان وعدناني = والناس ماتنجهل تعرف باساميها الخاء روح وراع الملك منهاني = ايام مادري شهور الرب محصيها بعد المعزه اجير وياخذ اثماني = وباجرة عمل عاد وزانت له تواليها الدال ثنتين ماقبله ولا انساني = حصل عليهن ورب الكون معطيها كله سبايب عمل سواه باتقاني = خلا العداء تنكسر والحرب تنهييها الذال غادر هله ضايق وزعلاني = وباسبابها ذاق فالدنيا بلاويها بالعمد روح وجاه الموت عجلاني= لاشك ذاك الذي سواه ينهيها الراء شيخٍ رفيع القدر والشاني = الجزله الي تسمى دوم راعيها معروف عند العرب بدون وحضراني= له ديرتن بالقصيم الله يسقيها الزاء حرٍ ولامثله بالازماني= اجمل خصال العرب بيديه حاويها الاسم وافق مسمي فيه برهاني= العرب تشهد بقاصيها ودانيها السين شاف الذي يبغاه وانهاني = ممسوك مسك الكلبشه عند واليها وقدام يذهب ويعطي بر الاماني= جاه الوعد في ثمينه ماحلم فيها الشين بنتن خذت شهره بالاوطاني = البدو هم والحضر تنقل حكاويها عند العرب علمها وفلان وفلاني = سم البنيه وقلي منه راعيها الصاد ساعة قدم راحن الاحزاني = جاب الذي ماتجي بالمال يشريها دارٍ عزيزه عليها القلب ولهاني = ياليت مثله يجي ونعيش ماضيها الضاد ماينسي جاحد للاحساني = سوى سواتن ولاغيره يسويها بعض العرب يشبهه ماعنده اماني = مثل الذي علته زحنا بلاويها الطاء رجلٍ محنك زاح الاماني = دربين ماغيرهن لابد تمشيها الاول يمكن تعيش برمح وسناني =والثاني لو تاصله فالروح ينهيها الـظـاد كـلـن شكـاهـن ســر واعـلانـي = لولاك يام العلاق وجلستن فيها وا لله ليمدي عليه لفو اكفاني = مير ادعي الله عسى الامزان ترويها العين لولا فعل قدام الاعياني = ليصير ضمن السلع مطلوب شاريها خيال لامن تعلى سرج ال حصاني = ماهو من الي يعود صوب اثاريها الغين لولا البدر سراج الاوطاني = الناس ياكثرها من هو بيحصيها ضرب الثلاثه ثلاثه وانت فهماني = فالموقع يصير والصعبه لاهاليها الفاء رجلٍ رفيع القدر والشاني = له ضربتن فالعداء ماحدٍ بناسيها لاجل العروبه كنوز المال تنهاني = يالله عسى جنة الفردوس ياويها القاف سوى عمل ماقبله انساني = من شان بنتن كثير الزين كاسيها اثر المزين معاهن كم شيطاني = ياطيب دين الشريعه يومه غاطيها الكاف قبل المسيح وتعرف الاني = فالسينما تنذكر وافلام ترويها اخر مطاف العمر فالسم تنهاني = ميتة رضا بالطلب ياشين تاليها الام راعي فتاتن طول الازماني = ماتموت دام العرب تمشي باراضيها ماهو من الي كلامه دان ياداني = ياليت بعض البشر تصك افاهيها الميم لابانسٍ ولاجن ولاحيواني= فالارض يمشي ورجله ماتلاقيها فالبحر ماينوجد والارض ما كاني = فهمت والا لغوزي مانت قاويها النون تذكر ليا من صار زعلاني = تعطيه قوه وهو لاقال يحميها من لايسوي سواته قيل ينهاني= البيض وقت الخطر لايجيب طاريها الهاء بنت الشرف سليلة حصاني= ياقوها فالغضب ماحدٍ يجاريها ذاقت طعامٍ عليه النفس زعلاني = قدام رب الملاء للحق يهديها الواو لاحل حلت معه الاحزاني = خص الذي جيته ماعاد نرجيها الغز واضح ولايحتاج تبياني = والزود يمكن عقول الناس يعميها الياء رجلٍ يشابه خد الالماني= وبعض العرب ياعرب ماني مسميها الزود قالو بحال يصير نقصاني = ولاني مزود وصوفه خوف تخطيها تمت حروف الهجاء والشعر منصاني =بذلت جهدي ولك عذري بتاليها |
الفيتن خامسه تنساق لبنت الرجال = الفايقه بالذكاء كحيله ماغيرها بالهرجه الدارجه جنوب والا شمال = علي توصيفها واطلبك تحضيرها الالف للي حصل بايام زلت يقال= لاقال هذي متى ياحلو تعبيرها وبالعكس لو تنقري ماعاد فيها جدال = جمع السرايا ليامن زاد تقديرها الباء يعني تصرف مالحقكم سوال = ارياك لاجبتها صعيب تغييرها لا شفتها بالورق مختلفتن بالمقال = يصير رجل يقد الرجل في سيرها التاء مطلب لشاعرنا خلف هذال = فالاشرطه قبل مايتم تكسيرها لعل يعطيه مطلوبه حسين الجمال= ويعطيه من يعطي العربان تقديرها الثاء فالي يشيلن الحمول الثقال = وقت المنازع هوى الاخصام تكسيرها عند البدو تنعرف جنوب والا شمال = فالمزبله تنحذف مايفيد تصديرها الجيم تطلب عسى المطلوب يلقى قبال = والناس لامن عطت يزيد توقيرها يالله يامنزل التوراة والانفال = تحفظ رجالٍ وفت مابان تقصيرها الحاء ورعٍ ولابه للهواء مدخال = الاطعمه سبته مابان تغييرها فالسوق تشريه بريالين والا ريال = وسميه بدو العرب تعطيك تفسيرها الخاء بعض الشعر والا كلام الخبال = هروج لامن لفت مايفيد تبريرها وصفٍ لها عندنا بعبورها ينقال = بعض الغوز الحقيقه سهل تصويرها الدال فوق الشعيب وتحت روس الجبال= والناس وقت الكبر يشابه لسيرها الغز للي يحل مفصلن تفصال = يعني وصوفه لكم مازدت تشفيرها الذال للي حقيقه عندي سمح القبال = النفس بعد الزعل يروح تكديرها تاريخه ماينسي محفوظ طول اليال = لولاه بعض العرب يضيع تفكيرها الراء فيها مثل يافاهمين السوال = اليا بلاك الزمن عليك تغييرها الا لياشفت شيٍ يعجبك فالخوال =اصبر لعل الثمر يشيل تقصيرها الزاء روس القمم للي نبي منزال = القمه يعطيك بالتوصيف تعبيرها لاصار فيه السرور يزيد حسن وجمال = والثانيه خلها ياشين تكشيرها السين يوم الخبر صعيب ياتي محال = ماغيره ضيف العرب عليه تحريرها واليوم تسفي عليها سافيات الرمال = بلمحة بصر لالفت يتم تسييرها الشين تشبيه فالطيب ودايم تقال = الرجل لامرته يلزمه تقديرها عندي وعندك ترى معروف رد المقال = الطيب تنزاد ماضني يجي غيرها الصاد عله سليم ولايجيه اعتلال = مامر عنده ترى محفوظ تصويرها يحفظ جداد العلوم ويحفظ الي سمال= الناس لو يختلف يازين تسفيرها الضاد لامن بلاك الي بعقله خبال = قلها ولاتستحي يازين تعبيرها البعض لو تمدحه يحطك تحت النعال = عينه مثل عين من تقتات بشعيرها الطاء ماهي بتسوى شي عند الرجال= ومن مدها زادت العربان تحقيرها عنها يشوم الذي يسكن بروس الجبال= مايصيدها مخلبه عينه على غيرها الظاد لابن المهلهل يوم غنا وقال = وجهتك لاعارضك عليك تغييرها جنب مادام الولي عطاك حمر السهال = نصيحتن فالصدر عليك تسميرها العين يوم العرب بدوان ترعى الحلال = ماغيره وقت المنام ينوم صغيرها دورته بعد الكبر لقيته رسم الخيال = كلمه ولازلت عاجز ويش تفسيرها الغين بنتن تسوي فالصدور اعتلال = ماهي بتنساح لين يتم تضهيرها ماترحم لامن لفت شياب والا عيال = انشد جيران البلد قدام تحريرها الفاء للي تسولف مايلقيك بال = كنه رجالٍ بدا يروح تخديرها عساك ماتنوصف بالوصف يابن الحلال= دام الغوز الجدد قررت تيسيرها القاف ماهو لنا تلقاه عند الخوال = هذا ك وسطه رجوله صعب تسييرها يشابه العوشزه في حال لامن طال= كثير ناسه ترى تعجبك في زيرها الكاف خيبة رجاء تجيك بعد السوال= والناس لاتنصدم لاشفت تعبيرها خصٍ ليا صار مطلوبك حسين الجمال= النفس من بعدها ياصعب تصبيرها الام تحت الرجم تصير فالمنزال = راعيها لاطولت مناه تقصيرها وعند البقر تنلقي ماتنلقي فالجمال= مطلوب كشف الغطا غطاك يابيرها الميم حذرى تحطه عند صفر الدلال = ماهو ردي الرجل يعيبه تنثيرها الغز واضح ولابه ياعرب جهال = والصعبه لاهل الذكاء عليك تمريرها النون للي ترك بالغصب زين الدحال = جابته رجله بعد ماطبت اجريرها شاف الذي مايسر وجاه كثر الجفال = بعد الهناء دنيته منحاسن امريرها الهاء ماتنسي دايم وهي فالبال = يازين لامن لفت باليد تمزيرها اما تجي سلق والا فوق جمرٍ جلال = حلوها قدام لايتم تغييرها الواو لدغيم الضلماوي راع الدلال = دله وزان الجمر يفوح تبهيرها مشهور فيهاعريب الجد عمن وخال = ناسٍ خذاها الزمن صعيب تكريرها الياء تمدح كذب وتقول انا مختال = صورتك فيها لنا كشفت تزويرها كلمه هنا فالبلد جنوب والا شمال = للكل ماتنجهل لاجاك تعبيرها تميتها ياعرب والعذر تال المقال = للي سبايب لغوزي تعب تفكيرها |
طريقة جديدة : بداية من الالفية السادسة والالغاز التي تأتي بعدها لن يكتب الحل في العنوان فقط اسم من حل اللغز هو الذي سيكتب ومن اراد ان يعرف الحل عليه ان يدخل الى الموضوع ويشاهده |
السلام عليكم
استاذنكم ياحسين انت والموجودين مده معينه نستودعكم الله مع السلامه |
وعليكم السلام ورحمة الله وبركاته تعجز الكلمات في وداعكم.. ولا يفي إلا الدعاء من رب السماء بإطلالة جديدة مشرقة قوية خطواتها.. قريب وقتها .. مرفرفه في سماء الطموح.. (( أستودع الله دينك وامانتك وخواتيم عملك .. )) (( زودك الله التقوى , وغفر ذنبك ويسر لك الخير حيثما كنت )) |
وعليكم السلام ورحمة الله وبركاته
رافقتك السلامة أستاذي الفاضل و إجازة سعيدة إن شاء الله حفظكم الله اينما كنتم.. |
|
اقتباس:
السلام عليكم صباح الخير جميع يعني لو حليت الغز تكتب نجم سهيل اللغز ....!! علة العموم توي صاحي من النوم ... |
وعليكم السلام ورحمة الله وبركاته يالله حيه وصبحه بالرضى والسعادة اذا صحصحت من النوم يانجم سهيل الله لايهينك خذلك جولة على الغاز مستشارنا ابو هليل الالفية السادسة وبحلق عيونك زين زيييييين في العنوان وشوف كيف الطريقة الجديدة |
اقتباس:
لاهنت والله محييك متشارنا الغالي حسين بالنسبة لالغاز المستشار ابوهليل على العين والراس ... ولكن تمنيت اخذ راي الاعضاء اللي هم حنا فنحن جميعا مركب واحد ... وفقكم الله ورافقتكم السلامة |
وين الناس شكل ابو هليل قفل الملتقى واخذ المفاتيح معه
|
ابوهليل امس مكالمة بالتلفون قالي خل ملتقى الالغاز أمانة عندك ... وبلغني اشكرك على التأييد
|
ياجماعة الخير .... نبي نغير الشيخ
ولا انتصبحون كلكم من كفار قريش والمشركين في جزيرة العرب |
اقتباس:
غالي والطلب رخيص وانت تامر امر ياليت توضحون المطلوب حتى نقوم بالواجب اكيد مانرضى نكون من كفار قريش بانتضار الرد الله يحفظكم |
|
|
|
اقتباس:
فابتسامتك في وجه اخيك المسلم صدقة |
السلام عليكم ورحمة الله وبركاته
مساء الخير على الجميع |
الساعة الآن 02:09 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir