|
صح السانك يابن جمران وصح السان جميع من شارك والله انكم اتحفتونا وابدعتم وتمنيت اني شاعر وشاركت مع الربع ولكن مرمعي كتبين استلمه
ويش رايك في عدم التفاق يوم قال فيصل الله يرحمه {اتفق العرب علي أن لا يتفقو}شكرن للجميع وتقبل مروري |
اقتباس:
الرمعه مالك لواء بكلمة الملك فيصل الله يرحمه |
اقتباس:
|
اقتباس:
|
بالبدايه لك سلام وتحيّه واحترام .. والرجال أمثالك انعزّها ونحبّها
لغزكم يالشيخ مضحي من النوع التمام .. وفيه ضربة حظ قلنا نبا نضربّها كان ماهي ليلة القدر قلنا ياحرام .. رميةِ لاحّول ماالله ومرنا نكبّها (ليلة القدر نزل ملك علشان يحدد وقتها , وحصل خلاف بين اثنين من المسلمين , فصار هذا الخلاف سبب في رفعها وعدم تحديد وقتها) هذا مذكور في الحديث . |
اقتباس:
على هالابيات الثمينه لله درك واسجل اعجابي اللامحدود بهذا الرد الراقي والغير مستغرب من شخصك يا عبدالعزيز المخلفي لاعدمناك مالك لواء برمعة( ليلة القدر ) |
اليكم هذا اللغز وهو ابيات من ضمن قصيده وارجو من اخواني الشعراء التكرم والمشاركه بالرمعه شعراً قد المستطاع والامر اختياري وغير ملزوم واهم حاجه مشاركة الجميع شعراً او بالرمعات المعتاده واليكم اللغز مع التحيه
دورو عن بنت راحت سواليف وكلام =اختفت في ساعة الضيق ماحدٍ نبها الردود شعراً من شعراء الملتقى لو حفظت كان جاء للعرب شان ومقام =دونها ماحدٍ لقاء فرصةٍ يكسبها دام كلٍ قال مالي بها شف ومرام=وكل فرقه تشكي ام الركب بركبها من نلوم ومن نبقي سليم من الملام=ومنهو اللي يالعرب كلمته يقضبها الرد الاول من الشاعر/ عبدالله بن عتيق الحنيني
مرحبا وهلين والنور جـلاي الضـلام=والقوافي لجل عيـن المعتبـر نكتبهـا الرد الثاني من الشاعر/ سعد بن رجاء الحصني سلم اللغز الثمين وخذ على اللغز استلام=والجزاله للجزيـل بـدون لا يطلبهـا با العروبه ما ختلفنا با العروبه والنظام=والعروبه حرف حرف وفرهـا وقلبهـا وابضيف الكلمه الكلامه وشكرن والسلام=رمعتين بحد عرفي ونظري وحاسبهـا
مرحبا ترحيبتن بالرياجيل الحشام=الرجـاال امثالكـم دايـم ارحبهـا الرد الثالث من الشاعر / حمد فهبد الحربيهي قضيتنا بلا شك يانسل الكـرام=نصف قرن وشعبها وسطها ايعذبها يقدات المسلمين انهظو كفى منـام=الشهاده كل مسلم تـراه ايحبهـا والختام اهدي تحيه وقدرن وحترام=للرجـال امثالكـم دايـم ارحبهـا
قول يابو فهيد والمعنى تمام=مد كفـك للرجـال وظبـهـا
العلوم جزال والموضوع شام=والقضيـه عارفينـن ابهـا ابها معروف ملعون الرسام=محتفظ بطرافها ثـم لبهـا ياولد جمـران ياوالد الكـرام=قبل نمدح جامعتنـا نسبهـا
مرحبا يالشاعر الي تعلى فالسنـام=البيوت جزال باغلى النفايس صبها الرد الخامس من الشاعر / ذيب المضيح الاولوالفتاه الي تبي دونها حد الحسام=كل شخصن هازها عقب مده كبها العرب ياصاحبي عايشينن فالظلام=كل عالم معتبر في حديثـه سبهـا دام نلقى فالبلد قرص وشوية ايدام=وش لنا بالديره الي خطيرن حبها
ياهلا يامرحبا عـد مـارد السـلام=بمضحي اللي فك بيبانهـا واسهبهـا الرد السادس من الشاعر/ عبدالله الفريدي (ابو زياد)لغزك اللي قلت من بعد خلوه العظام=ذي خلافة مسلمين وعسير(ن) جلبها وكان مايدعالها فعل ماهو بالكـلام=والثمن يامصعبـه للـذي يحسبهـا وكان ماهي للقياده بعد قصد وغرام=ماتحقـق قومتـن بالخيانـه لبهـا *
مرحبا تسحب هلا تقترن بالاحترام*=بالرفيق اللي هجوس الضماير شبها الرد السايع من الشاعر / على بن زيد الفريدي (ابو خالد الفريدي)ياعزيزي من غزى مابغا داع*السلام=ومن لقى رعيةن هامله ماكبها* وكلمة التوحيد عنها انشغلنا بالحطام=نركض بدنيا عسى الله يكافئ غبها ماندور *لا شهادة ولا ذروة سنام=همنا نكسب رضا هالجوز وحبها
لغز بن جمران وافي وله قصد ومرام=والبشركلهـا تحـت دبـرة ربهـا الرد الثامن من الشاعر / وجودك يكفي (الثبيتي)صيحة راحت مع الجو للناس العظام=في اسنين هل الطب تعـرف طبهـا لاسود اصبحت في مواطنهـا نعـام=همهـا حبهـا كيـف تلقـط حبهـا عقب رمي الشجاعه وهلها بالـدرام=من بقلبـه شجاعـه وعـزه كبهـا
مرحبا يالشاعر إللي وصل حد الغمام = ينقش حروف الجزل والهزيله كبها الرد التاسع من الشاعر الشيخ/ حسين بن مريع العبيدي ورقبة صدام بالرخص باعوها اللئام = وحفروا له حفرة)ن(مانجا من طبها والرغد عقب الرغد والسعادة بانسجام = كيف عاشت وسط نار)ن(عدوك شبها
مرحبا يامرحبابك مكانك فالسنام = العلوم الغانمة جوف راسك لبها الرد العاشر من الشاعر ابو فهد الحربي انت لك عند الاوادم تحية واحترام = العلوم الغانمة عمها ماكبها الخلافة روحت بعد ماكثر الخصام = بعد كل رز راسه وناره شبها والخلافة حل لغزك بعد كثر الكلام =ورقم لغزك حروف الضايعة واغنم بها صفها بالابجدية وتلقى فالختام = انها متساويه يامدقق حسبها
مرحبا بك يابن جمران يالحر الهمام=اذكر الله والشياطين تكفـى هبهـا الرد الحادي عشر من الشاعر الشيخ / حسين بن مريع العبيدي رمعة وحدة بسيطة على قد المقـام=ودي اشارك هل الكار وانزل خُبها لزمة الرجل القديمة مثل حد الحسام=من تركها طاح قدره ونفسه سبهـا
هاض قلبي شاعرٍ قـاد قافـه بانتظام=صحـة لسانـه وتسـلـم يــد يكتبـهـا الرد الثاني عشر من الشاعر/ عبدالله بن عنيق الحنينيجاب لغزٍ واسهر العين عن لـذ المنـام=العلـوم الغانمـة كــل غـانـم حبـهـا الحميـة حـل لغـزك وشدينـا الـحـزام=صيح لي واحمل عصاتي واجي واضرب بها كـان ماجـت رمعـة ثانيةخذهـا شـمـام=ديـرة الاعـراب داري ونـا ملـزم بهـا
لغز با القمه ومعناه معنـا بـا السنـام=والحقيقـه مابهـا شـك حنـا بغبهـا والصفوف وقوف والصف للجمع التحام=والفر وض والواجبه حق مـا نغلبهـا والصلاه الواجبه فرض ما فيها كـلام=والفروض الواجبه حـي مـن يكسبهـا والخطا وارد وهذا مرماعي والسـلام=والله اعلم جنة الفردوس مـن بيطبهـا |
اقتباس:
نقول وش رايكم بـــــــ الأندلس ولكم تحياتي |
انت تقصد على عقد اتفاق(ن) بيننامثل النظام = اتفاقية وقت النوايب كلنا نلزم بها
او تدور على مال مجمع محتسينه للخصام = محتسينه لطامع في ديرنا هب واللا دبها مابقي عندي الللا ماذكرته والسلام = تسلم انت ومن يسمع ويقرا لبها عاش من هندس وغنى ودمتم فالختام = والمخاليق دعها تحت حكمة ودبرة ربها |
اقتباس:
خشمك ياحفيد الحجيري رمعة فالصميم بيض الله وجهك وننتظر الرد من ابو احمد |
الساعة الآن 06:45 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir